驚蟄前後!

每年既"驚蟄"好似對其他人無咩影響, 但係我地舖頭就深信呢個時節前後,必有d"蛇蟲鼠蟻"(即係d鼠背同賊仔)出嚟搞搞陣!

話說六,七年前, 我地岩岩開舖頭無幾耐, 真係"驚蟄"嗰日, 有2個狗男女走嚟扮豪客買野, 計起都要成萬幾蚊既, 我地以為就到好籌, 點知呢兩條友要碌咭, 好第一張好似有少少流流地, 二嫂就問佢地有無第二張, 點知第二張仲流, 我地就即刻醒水, 即刻攞番d貨, 跟住叫佢地等下啦!

我地就即刻打比card centre, 點知條友仔以為我地玩野, hold左我地條線好耐都唔幫我地!而2條狗男女就知定, 藉d意話去架車到攞野就走左去喇! 報警就話即時捉唔到人無得搞, 真係比佢地激死! 好在我地只係捐失左2包煙仔,幾十蚊買左個教訓!

之後每年"驚蟄"前後, 真係有好多小人嚟我地舖頭搞搞陣無幫襯! 所以呢段時間前後, 我地都要打醒二十分精神去看舖, 搞到我地真係眼水都少左好多!

"驚蟄"解說:

「驚蟄」是中國每年的二十四個節氣的其中一個，通常在每年公元西曆的三月五日或六日進入這個「驚蟄」節令。

相傳「驚蟄」這一天會響起本年第一次的「雷」，但只會聽見雷聲，不聞雨聲，因為這是沒有雨的「旱天雷」。

這一個雷聲一響起，便喚醒了千千萬萬的蛇蟲鼠蟻等害蟲，而相傳在這一天拜祭白虎這百獸之王，便能夠鎮壓這等害蟲及驅除百邪千害，所以很多人在這一天拜祭白虎，祈求免除毒蟲之禍害。

後來，驚蟄節被發展為「打小人」的節日，因為古老相傳在這一天，於白虎面前打小人，小人便會被白虎制服，以後不能再興波作浪。

拜祭白虎，最重要的便是預備一隻老虎，把肥豬肉貼在老虎頭上，再用豬紅及肥豬肉供奉，因為相傳白虎十分喜愛吃豬的。

另外再具備紙公仔、紙掃帚，在拜祭後，用紙掃帚掃走紙人，這含有趕走小人之意思。