學習與成長

記得 ming ming  K1 開學時, 佢仲好 bb , 唔係好識表達學校發生咩事, 總之你有你問, 佢有佢玩, 所以我地早期都唔知佢d 同學仔叫咩名, 更加唔知老師原來間唔中都會叫 d 學生準備一些物件帶返學校, 而家長係唔會收到書面通知....後來家長會, 老師告知我地情況後, 我地至知道有這回事, 不過 ming ming 好多時都會唔記得帶野, 或者隔咗幾日至記得.....

K2 開學後, 頭一兩個月都在適應期, 有時ming ming臨訓至記得要帶野返學校，仲要話全班既同學已經帶晒，唯獨ming ming唔記得帶，係學校比老師話佢 ”矇豬豬”．．．．

仲有K2開學後，隔天便要做功課, ming ming　寫得唔好, 我地會幫佢擦咗叫　ming ming　再寫過, 擦得多寫得多, 令 ming ming 好唔開心, 無晒自信, 攪到佢怕做功課, 一陣又話眼訓, 一陣又話要去洗手間, 一陣又話口渴, 攪到大家都唔開心, 之後我地改變模式, 早 d 陪 ming ming 做功課, 做好 一頁就比佢休息下, 讚多d佢，令佢增加自信, 另外我地用番儲 "星星獎勵計劃", 如果 ming ming 比心機做功課, 我地會比一粒星佢, 儲夠 粒, 就可以選擇禮物或者想去既地方玩.   後來情況一天一天改善:

１）開始時: ming ming 有耐性咗, 我地渣住佢隻手一齊寫字, 佢可以好安靜合作地完成, 不過寫完字唔記得畫畫，老師印咗ｃａｒｅｌｅｓｓ既字係ming ming個篇功課到　

２）跟住第二次, ming ming 自己要求自己寫, 佢唔識寫時, 叫我地用另外一張紙寫比佢睇, 佢自己跟住寫番係本功課簿，但填顏色依然好無心機, 出晒界

3) 第三次做功課, 我地陪住　ming ming，佢自己寫, 寫得唔好佢自己擦咗再寫番, 填顏色比心機咗，第二朝起身自己要求檢查，自己做好功課未至返學

４）第四次做功課，我地好驚喜，因為我地放工返到屋企一開門，ming ming好開心咁跑出黎話比我地知佢自己做完功課，雖然唔係所有字都寫得好好，但個一刻我地真是感動到好想喊！

身為家長，看見自己的小朋友表現未如理想時，有時真係好困惑，擔憂，怎至失去耐性和傷心．但每個小孩子都有唔同的個性和特質，退一步係佢地既角度想一想，比多ｄ　鼓勵，耐性和愛心，事情可能未必即刻有改善，但看見她們少少少少既進步和自發既改善，真係好安慰！