香港農莊

最近各位有時會見到長毛變左豬頭﹐佢唔係比人打到變左豬頭﹐而係成日戴左個豬頭面具四圍走﹐好多市民都唔知佢搞乜鬼﹐只係以為佢變左豬八戒照鏡﹐裡外不是人!

其實佢今次咁做係有目的﹐只不佢對香港人的文化水平﹐可能睇得過高﹐好似呢次擺明搞小圈子選舉﹐都只係得個小狗三兩隻出來吠過｡ 現在就讓我來為大家說明一下﹐佢係想借英國小說家喬治．奧威爾的名著《動物農莊》來諷刺我﹐書裡面一群動物為爭取解放而發動革命，趕走主人，立志建設一個動物的平等世界。而呢班愚蠢既動物在革命領袖肥豬王的領導下建設新社會，而豬王領袖偷偷竄改革命規條，例如把「所有動物都互相平等」，改為「所有動物都互相平等，但有些動物要比其它動物更平等」；直至最後一條「所有動物不可像人一樣後腳直立」改為「可以直立」為止。在最後一幕，一大群貧病交迫的動物看著牠們的領袖後腳直立，同他們的敵人——人類——把酒言歡。

呢個諷刺﹐我唔可以話唔貼切﹐不過就真係唔係咁多人明﹐話晒係英國人寫既﹐你話整本西遊記出來﹐或者會多少少人識 ! 我們身處的香港﹐很明顯就是一個弱肉強食既動物世界﹐在裡面住了不少大鱷﹐幾隻癲狗, 更多的是受盡壓迫而不敢言的蟻民﹐而我作為他們的一個大王﹐為他們向人類(阿爺)爭取的﹐可以是甚麼呢? 難道給他們和人類平起平坐嗎 ? 動物始終是四隻腳的呢...

豬年能當上豬大王﹐還真是一個釆頭呢 ! 希望以後真的發過豬頭﹐豬事如意!