我會做好呢份工

雖然近期會比較忙﹐但是我都會每天更新我個 BLOG﹐讓大家更貼近我﹐更了解我在選舉背後所面對的壓力｡相信大家昨天都在電視上看到我的那句宣傳口號「我會做好呢份工 !」﹐這一句不單是我的口號﹐更是我的心聲﹔其實仲有一句﹐不過個班競選辦話唔係咁好﹐所以我就放左係呢個 BLOG到﹐就係「競選無難度﹐講係易過做!」﹐是不是更有說服力和更吸引呢!

講返「我會做好呢份工 !」個口號﹐我個所謂對手話我沒有氣魄、沒有視野﹐我就覺得佢係度放屁﹐仲係好臭既屁! 其實每個香港人都知我一直都係度打緊工﹐打工仔就緊係要話比老闆聽﹐我係佢最聽話既一隻狗﹐會努力咁做好本份﹐咁老闆至會開心﹐加薪兼升職就會陸續咁來｡「人爭一口氣﹐佛爭一爐香!」﹐如果真係比我做左老闆﹐咁就當然唔係咁講啦 !

我寫句咁既競選口號出來﹐都係為左向我的主人表明心跡﹐邊個比飯我食﹐邊個就係我個老闆﹐係呢個小圈子選舉入面﹐阿爺就係我老闆｡要等到有普選個陣﹐全港七百萬市民才是我的老闆呢! 但是呢日幾時來﹐真係我做特首都唔敢講｡(馬龍兄就真是我知己!)

好似 D 人問我幾時有普選﹐我都係話要等乜鬼策發會研究下先﹐一於用拖字訣﹐拖到我做完呢屆特首﹐咁就將呢個燙手山芋留給下一任了｡ 話說回來﹐個次阿蜘蛛俠話放左條叫「民主」既錦鯉落我個魚池到﹐如果佢真係咁做﹐我都唔敢養啦﹐我仲唔即刻送佢上去秦城度咩 !

P.S. 雖然在記者會期間, 給那癲狗出來吠了幾聲, 有點掃興, 但這樣市民就更清楚誰是人, 誰是妖了!

(雖然我那髮腳線不繼往後移﹐但我是一點都不介意的﹐須知十個光頭九個富﹐你看李超人不也是沒有太多頭髮嗎 ! )