聽日出太平道同佢睇一次先,果邊話要醫生睇一次先決定同唔同佢做手術
我地預左佢D骨刺無得斷尾啦,所以先想同佢做微創
同埋真係要KEEP住佢D體重，佢真係肥得好鬼快,而家已經有貓姬咁O既身形啦
但如果佢長期生骨刺,就一定要減肥,同亞當齊齊做落難減肥夫妻啦
最陰公係
佢都已經係唐貓混摺耳,都一樣有摺耳遺傳病,我都無話可說
只希望D人,唔好再貪摺耳好得意呀,就係咁亂繁殖,係咁追潮流
今日睇左本貓書,個作者都講得好有道理,佢話,現在潮流興培殖一些怪貓出來
例如摺耳,捲耳,無毛,曼基(矮腳貓),無尾貓等
事實上呢D係貓貓的遺傳基因缺憾,一隻摺耳貓耳仔平放,其他貓睇黎,以為佢永遠都係處於緊張戒備狀態
捲耳貓就好似成日要撩交打,無毛貓令貓無法正常保持體溫,曼基貓因腳太短,佢會舐唔到自己D毛,無尾貓失去平衡感....
我地養貓,究竟只係希望見到佢樣子趣怪,還是貓其貓,讓牠們做番一隻正常的貓好呢?
２０／１０
睇完番黎......
做唔到手術,因為無咁細支鏡頭可以伸入貓手內
另,果位鬼佬醫生仲睇多幾條骨刺,分佈係小依尾龍骨,脊骨等部份,為數唔少,
無任何野可以做,開止痛藥,同一D幫助骨骼成長補充劑
佢仲話蘇格蘭果邊全線爆哂呢個病出黎,好多摺耳貓的骨骼基因都影響到佢地骨質增生
佢仲診斷小依已經唔止一歲,起碼四歲以上,因為骨刺情況相當多,唔係短期出現的問題
報告完~
我唔會就咁認輸架,而家同小依食一個星期止痛藥睇下佢情況如何再決定下一步點做
灰紅 • 襪襪 2008-10-25 01:14