我的手作~~

上星期短週連放左三日假，終於可以好好抖返下喇!!既然咁悠閒 ~ 一於的起心機去整印仔曲奇喇!!一黎係覺得自己太耐無整野食，二黎係想親手整d小禮物俾John John....其實本來打算11月1日先送俾佢o既，不過唔想放咁耐兼且果日我地plan左去南丫島，所以提早左送....雖然好似無左個意義，但又唔想攞住咁重既野周圍走....所以已經揾左個機會送左俾佢喇!至於係咩意義，我諗有心人會明白o既!!

由於前一兩次佢收禮物既反應都係令我有點失望，所以我今次特別叮囑佢唔好係我面前睇。但今次既反應又幾好喎，最好笑既係....佢居然覺得我係買返黎~都唔知係氹我開心定點。不過，知道佢收到係開心o既，都總算不枉費我既一番心機，話晒我連續兩日特登走落太子就係為左去揾佢鍾意既新幹線。雖然唔係佢想要o既新幹線玩具，但我呢份禮物睇得又食得，都唔輸蝕家!!哈哈~~

今次真係有點失策，竟然唔記得將整餅o既過程影低佢.....唯有下次再整果時先影喇!

是日係11月1日，係J & V一個值得慶祝既日子，宜家要去裝身準備出門喇~~