原來我什麼都不是...

自上次公司發生左果件令我心灰既事之後，我開始想逃離呢個地方，甚至走出呢一個行業。除左發現呢行宜家無乜岩心水既工，仲發現左自己既不是不足.....

雖然話自己係呢行斷斷續續咁做左幾年RESERVATION，有足夠能力去應付呢個position所要面對既問題，亦有勝任有餘既滿足感，但係其實自己只係去接觸呢行既某一個層面，仲有好多野係未學。說到底...係自己持住有樣野熟手就唔再去學其他新野，覺得難就放棄。呢個係我不足既一部份!!

想要轉行?憑咩要人請你??憑把口游說佢??呢個現實世界，任何工作都係因應你既資歷去決定你既薪酬。如果係初哥，你又係咪接受到要從低做起，攞份低收入人工???

最近經常諗返起我同小雞既一番對話，係關於佢考車牌。我話渣車有咩好玩啫，之後佢話：學車唔係為左好玩與否，係想讓自己多一樣專業，識左永遠都屬於自己既!!對呀，真係一言驚醒夢中人，所以我宜家不斷揾一d自己都有興趣既野黎學，即使唔係可以一時三刻令到自己攞高薪，而係個人增值，等自己有多樣本領都好。

佢呢番說話，一直都牢牢記在我的腦海裏，所以我都要去作多嚐試，我宜家最想去剋服我最大既障礙/恐懼-游水/潛水。所以我想同埋毛毛一齊去參加一個潛水課程，一黎我要增值自己，二黎想加深我地之間既默契同感情。因為我相信一齊去做一樣野，大家可以一齊分享當經歷同喜悅。

雖然我覺得宜家我地之間相處得唔錯,唔係要無時無刻見面,都可以對對方有信心，開始有各自既空間。我承認同佢一齊吃喝玩樂係好開心，但係我想要既，唔止係呢個層面，我想大家趁住仲年青，好好充實下自己，等自己第時唔需要咁傍徨，亦唔係覺得自己一無是處!!我想得到既係心靈上既滿足!!