獅城風情畫 2

大家估下呢個咁中式既建築係咩??答案係Marriott Hotel~~真係有d估佢唔到，樓下就係烏節路出名既shopping mall.

其實Marriott對面就已經有地鐵站，但裝修緊封左.....路面又無標誌喎!!揾路之際，發現雪糕叔叔係路邊擺檔，當然唔執輸去食喇!!呢d檔口仔好似只係係烏節路見過有幾檔,呢d檔口仔唔係普通雪糕，而係用面包或威化夾住雪糕~~只賣SGD1咋~好味又抵食!!

最終就係呢個商場樓下揾到地鐵站~~不過咁難先揾到地鐵站，真係有d失敗!!

落左地鐵站就坐車出牛車水食少少野....

地鐵站一出會見到唐城坊，向左行大約五分鐘就到個熟食中心.....

當然要一試出名既叻沙喇~~

當地食野特別少少....可以分3/4/5蚊咁去買既。咁呢碗另沙就係3蚊既....味道唔錯﹐好有鮮味，但個人就唔係咁鍾意蛤既味道....

老闆話呢隻米粉酸酸地好開胃....但我地就唔係咁岩食。因為有d桔仔咁既味，酸得黎怪怪地....可能我地食唔慣喇!!

呢盒野叫"羅惹"，我相信係當地人同d東南亞果d華僑先會鍾意食....我個人就無問興趣