獅城風情畫 7

休息夠就前往7點鐘就開始熱鬧既沙爹街~~每檔係10零串咁賣，好少會單買一兩支的.我地又走返去Raffles Place，穿過老巴剎...因為沙爹街就係隔離家咋!!真係成條街都係沙爹檔，不過味道偏甜喇!!坐既位置其實都無特別分邊檔既，當你坐低之後，仲會有其他檔既人走黎sell小菜.....我地叫左客炒雜菜，價錢都係貴過香港.....食飽行過圈都無咩岩買，幫襯左全場唯一一檔燒雞翼...點知咁淡而無味...

之後我地入返老巴剎睇下有咩好食....行下行下...聞到好強烈既臭豆腐味喎!!

都幾好味~~但就鹹左少少...

食飽就坐的士返酒店休息喇!!第二朝喇，亦都係我地最後一日留係Singapore既日子。我地今日都係去返牛車水，先去Maxwell food centre醫肚....

我叫左杯豆漿同炒粿條....豆漿偏淡無豆味....炒粿條又係得個甜字，而且似係萬年油炒既....d味好難頂!!但佢有臘腸做料，又幾惹味!!

食飽又繼續係牛車水最後衝刺~~~

返酒店沿路影低既~~

係近住酒店既一間外資店舖買的甜品，朱古力香濃好creamy....都只係個幾銀錢咋!!

雖然我地既航班係1750，但我地跟package offer既shuttle出機場。所以1430就要係lobby等佢地pick up。返到酒店收拾收軟，兩點鐘交房...係lobby等半個鐘，架Van好準時到.司機話我地住呢間酒店係幾好，不過就唔係咁放便囉!!咁我都認同，因為出入地鐵站都要行15分鐘....架車兜左去Pan Pacific接左幾個客，就直出機場喇~~

不出半個鐘已經到左機場.....往香港既就係T2落車，俾我發現賣斑蘭蛋糕果間舖頭喎，兩老就係check in後係度大購物喇!!(其實因為有free coupon啫)

呢個旅程就完滿結束喇~~