新春大梅沙之旅

我想講o既野,已經係新年期間既事....本來都想果幾日將佢post埋上網...但係實在太攰......

大年初二,假期既第二日,我依然要好似返工一樣咁早起身....因為毛毛八點收工,我地諗住早d上去,感覺上好似抵玩d....

我地由沙頭角過境返大陸(今大個女第一次),越行越僻...去到荒郊野外...忽然覺得自己好似偷渡客....原來某人又老點我行冤枉路...呢d野就唔詳細講喇!!之後我地係閘口附近一個小亭買沙巴車票過境(盛惠五大元)售票員話每十五分鐘係九龍塘開一班。等了又等~~終於見到有車黎,我地坐左兩分鐘...司機話:請各乘客帶齊你地既行李過關。....原來只係咁近....吹脹!!

過境後,我就已經見到係網上揾到既碧桐灣休閒大世界,其實係按摩既地方..聽聞手勢都唔錯。我地即走過去睇下...人仔68蚊??好似貴左少少喎!!由於我地急住去酒店,所以睇左一兩眼就走左。

截左的士,司機開價50蚊,毛毛就已經跳上車...做咩唔壓價先呀!? (唉...算啦!!出得黎玩,就咪計較太多啦)我諗坐左半個鐘多少少,我地就進入左大梅沙路段...見到好多酒店水牌,真係好多。無幾耐,毛毛已經發現左酒店,yeah!!到左啦!!

    淩海酒店外景

我地好快就辦理好入住手續,被安排入住T三樓o既客房。

  T3樓層O既水牌

 T3樓O既走廊

 設有感應系統o既走廊燈

  我地o既Room No.(又係尾房)

橙黃色牆身顏色,幾舒服!!至於張雙人大床.....好硬呀!!!  

白色梳化床,俾我地整到好亂...望落就幾舒服既。不過真係幾污糟!!最特別之處係,坐坐下成個人向前傾跌...

好宿舍feel o既設計....

露台浴缸...咦!都唔係我地想要果種黎既?!快d要求換房啦....噢!!果隻full左啦!!無計啦!訂錯房!

  露台裝飾品

參觀左一陣,我地落樓下既超市睇下有d咩好食好買。D人講得無錯,係純正local 超市,無咩買得落手...最終揀左兩個國產碗麵同一支可樂(所謂既可樂同百事味一橂一樣)酒店隔離淨係得兩間唔起眼o既小店,方原幾百里都已經再無食肆。唯有買住小釔餃子湯面醫肚先啦!!味道係點...相信唔洗再多講!!飯氣攻心...來個午睡吧!訓左大概一個鐘....好嘈呀!!樓下人多車多...嘈到訓唔到,隔音太差了!!

我地決定再出動揾食...問左前台服務員,原來要走到雅蘭果邊先有....行左好一段路,終於見到熟識既M記,KFC...(唉!估唔到旅行仲要食埋D咁O既野)再行下先啦~~咦?有日式餐廳、美食攤位、同一D海鮮酒家喎!!

我地掃左好多野食...湯米、羊肉串、炸饅頭、濕炒牛河..當然唔少得係大梅沙至出名o既乳鴿王啦!!我地急步咁走返酒店開餐啦,好失望囉!!無邊樣係好食既....乳鴿還可以啦,新瑞華同五谷芳兩間都試左,我就覺得五谷芳既會好味d,但兩間都係鹹得制!!

到左夜晚,我地係露台個浴缸一邊浸一邊睇電視。呢張相就係附近既夜景,仲有人放煙花添!!

第二朝起身,我叫毛毛去買麥記早餐。我就趁得閒繼續影相。好多人都話大梅沙昔日o既美景已不在....因為附近有好幾個酒店工程,呢張相就隔離興建中o既喜來登酒店

再望過另一邊,遙遠處有間雅蘭酒店。

  酒店內景

咦?mo仔同多莉係乾塘o既泳池入面喎!!

毛毛出左去好耐仲未返黎....開始有d擔心....終於忍唔住走出去揾佢。落到樓就見到佢,爭d俾佢嚇死!!原來果間咁既麥記好多野都無,淨係得早晨全餐同薯餅...所以佢買完要再去其他食肆揾食。無魚柳包都算啦,d薯餅仲要勁難食...好無瘾呀!成程無好野落過肚!!唯有死死氣沖碗面食啦!!

終於十二點啦!!夠鐘check out!!check左無留低野,我地就落左樓。我又趁毛毛check our果陣,周圍影下相。原來低層客房有個花園仔,都幾舒服丫!!

係度high tea一樣得!

臨走我都係忍唔住要影下個西餐廳,因為由我地黎到走,都係無開門營業家!!唯一一次就係見到有幾個男人拉左張枱出黎,枱上有個大熱水器.....係度沖碗面食....

我地出返沙頭角口岸,係過關之前我地再去有得按摩果間店到睇價錢。哦!原來係168雙鐘...有中式泰式。我地試中式果隻...真係幾舒服,按得好到位!!找數果陣...原來係08:00-20:00做雙鐘仲有6.8折,真係抵到爛!舒服完,過左關...我地諗住係沙頭角落車,去中英街行下。到左售票處買票先知回程要成三十蚊,即使係沙頭角都係!售票員態度仲要好惡劣....咁我梗係唔會虧俾佢啦!!所以最終都係坐返粉嶺,再轉車返屋企。

<<旅程完滿結束>>