永遠懷念MJ

佢在生既時候，我對佢並無特別既感覺，唔會話十分鍾情，但非常欣賞佢既舞藝及歌喉，完全係非一般人可以代替到。以前我地屋企都有MJ既碟，真係睇極唔厭，因為唔係話學就學到.....

對於佢不斷整容，我亦無特別意見既。但後期的確見到晒整容既副作用，搞到不似人形。其實佢以前黑人個樣都幾可愛丫，何必要搞到自己咁呢!!而且身體髮膚受之父母，我真係唔會咁傻走去整容。靚唔靚都係整定既，何必要強求....

MJ離世既新聞，真係要多得一次既八掛。話說果日我係singapore坐緊地鐵，睇到對面男人既報紙，好驚訝咁睇到呢段新聞!!我地行完街之後，特登再買份報紙去recfm，證實左呢段新聞!!覺得有d婉惜....宜家既樂壇仲有幾多個可以好似佢咁丫~~每次睇到關於佢既報導都會有種失落感.....

我都係係佢死左之後，先知佢事業上雖然好成功，但係佢活得唔開心，尤其係佢既童年。佢五歲就俾佢Daddy逼佢去登台演出，雖然佢係熱愛表演亦都係當中得到成就感，但佢既童年並不快樂。因為佢唔可以好似普通既小朋友咁，追求平淡既快樂。有d人想成名就永遠唔輪到佢，有d人想平淡...卻偏偏平淡不了。真係天意弄人!!但現實中，又有好多例子係...人用盡畢生既心機去令自己享盡物質，但當你走到高峰既時候，又想走回最平淡既路....真係夠晒戲劇化!!所謂高處不勝寒....唔係人人都可以承受到係高峰既壓力!!

現在，只願MJ長眠於一片屬於自己既寧靜樂土，投胎做返個真真正正既平凡快樂人!!