美麗~是要付出和堅持

宜家有返工既日子，幾乎都會blog一blog.....今個星期既心情有d矛盾，平日既時間過得好慢，但又好似好快咁過左一個禮拜，今日已經係星期六喇!!可能呢個禮拜收工後會活動多左，所以好似充實d...個人心情同個樣都顯得無咁禿廢。但有得必有失，係屋企陪媽咪同奧仔既時間又少左.....

自星期三跑步 + 星期四玩瑜珈 + 星期五玩呼拉圈10分鐘，完全feel運動帶來既好與壞處。但其實所謂既壞處係可以靠恆心去令佢有所改善既，怪就怪自己少做運動喇!雖然都有keep住做運動，我呢幾日我理解到....各方面都要保持平衡，除左做運動，仲要控制食量，同食得健康。最好可以令到自己戒口添!!當然仲要抽時間出黎保養自己d皮膚喇!!不過，我每晚都搞到12點先訓，大大個熊貓眼，都係唔健康....不過，時間真係唔夠用咁。宜家面上面既痘痘都開始受到控制，不過暗瘡印仲需要時間去令佢淡化，真係唔急得。不過我呢個有些少完美主義既人，見到面上d印左邊5粒右邊5粒...雖然唔係好嚴重，但真係接受唔到，唔想一定要遮左先可以出街。不過，目前最重要既係要揾一次好有效既去印膏先得。宜家仲心大心細唔知買邊隻好。自我上次係網上睇到d過份吹噓既廣告而bid左無用既護膚品後，我唔會再亂咁晒錢同唔會咁易再信果d廣告了!!

我呢排好乖咁....有飲媽咪煲果d靚湯。而且有做運動黎排汗，所以都見到面部有光澤而內而外咁散發出黎，好開心!!"我要瘦，我要靚"唔要再做無自信既醜小鴨!!最重要我係要靠自己，唔晒錢唔依賴藥物去減肥。