蘇梅Resort推介~Villa Nalinnadda

呢間resort係位於蘇梅島既Lamai beach.全間resort只有8間房,分為三幢。我地選擇係最後一日先stay係呢度,原係係覺得呢度location唔係太好…附近無咩食肆同無咩好行。我地果日由Baan Haad Ngam租酒店車,費用係THB450,約40mins.沿途會經過The Cliff Bar & Grill.雖然間resort係正馬路邊,但其實一d都唔起眼。

Resort開揚既餐廳,位置係lobby隔離

一到步,酒店既manager見到我地就出黎歡迎我地。經過一條短短既石路就到達lobby.酒店以白色為主色,顯得好光鮮好有朝氣。坐低左,佢地就送上welcome drinks同幫我地辦check in 手續。期間,個manager叫我地試下幾款唔同味道既lotion.朋友好奇問佢點解要試,佢話係for我地今晚用家.噢~~好special既服務噃!!

辦妥之後,佢地就帶左我地入房,我地原先係request左最近海果間房,但發現個灘無我地想像中乾淨,個jacuzzi又係唔係响outdoor.所以試下問佢可唔可以轉房,佢地好好,先帶我地去參觀左先再等我地決定。比較之下,我地最終決定轉房。

outdoor無敵海景Jacuzzi

洗手間唔止光猛,前面仲可以開晒門睇海景.仲有我至愛既Rain forest shower

安頓後,我地落左去同佢地book枱for今晚既candle light dinner, book埋做spa既時間同租電單車出去兜下風。返黎之後,就落泳池游一陣水,staff見到我地想游水即攞毛巾俾我地。由於岩落完雨既關係,staff都親初咁提我地唔好游咁耐.因為岩落完雨,怕d水唔係咁乾淨。因為入住率少,所以成個泳池得我地兩個,夠晒舒服!

到左6點左右,我地就走左去嘆spa.同酒店book房,送左一個人既spa,另一個就要俾THB1200+17%.當你扒低後,你眼前會有個小驚喜,係乜野??你試下咪知囉!不得不提係既按摩師手勢直係一流!舒服完之後,都係時候去嘆埋個dinner.原先我地book枱果陣,想request佢地安排係poolside既.但佢地話通常都唔會咁做.但當我地行出去,見到有人搬緊枱去泳池邊喎!!原來佢地真係為我地安排左.太好喇!!

由於夜晚泳池邊串較黑既關係,我地睇menu果陣要用到電筒。一次難忘的回億~~隔左一陣,有個女人走埋黎同我地打招呼….原來係呢間resort既owner,佢仲為我地介紹食物。真係成間resort既staff都俾到客人好親切既感覺呀!!我要講:呢度既冬蔭公真係~~超超超正呀!!夠酸夠辣~雖然飲左好少…但我已經變孖潤腸喇!

就係咁….我地就過左悠閒既一日喇!!早餐方面,staff會係前一晚問你想幾點食同埋想係床上定餐廳食,貪新鮮既我,就當然揀左係床上食喇!!食完個早餐,hea多陣,我地就坐酒店車出發機場喇!!(THB600/CAR)

小提示：

如果住頂層又遇著落雨,去洗手間果陣要小心d.因為有d漏水,我爭d做左彭丹個招牌動作….一字馬。另外,如果係住餐廳上面果d房,上樓果陣要小心,因為廚房隔離有個位lop左落去,每次我行經都唔記得,次次都嚇親!!