告別菲傭

今日係同我哋工作了四年嘅菲傭auntie Ysa約滿要離開我哋屋企嘞。大家都有D傷感，話晒都相處咗4年吖，而且佢又做得好好，不過倆個女都大嘞，上咗中學，己經唔需要工人照顧，要自已照顧自已(因為工人以前做得太好，乜都幫佢哋做晒)。不過佢話當佢放假時會返嚟探吓我哋喎！

最好佢已經搵到個新顧主，仲係响半山區，將來佢間工人房可能都過百萬啦！希望佢搵多兩年錢，就返菲律賓結婚生仔啦(佢同我哋咁講)！芊芊仲同佢講，叫佢結婚時通知我哋過菲律賓去觀禮喎。

琴晚我哋一齊去尖沙咀睇燈飾，玩埋最後一晚啦！

首先係去百週年紀念公園

芊芊揸機同我哋兩公婆影雙人照，雖然係慢快門，但都影得幾好吖！

跟住行出海傍睇尖沙咀中心和帝國中心一帶嘅燈飾，都好靚吖！

然後行去星光大道

芊芊仲整『蠟手』添！

最後行去海運大廈食pizza

食完之後就出返嚟睇埋海港城D燈飾就返屋企囉！

今朝我出門口返工時，佢仲同我哋做埋最後一次清潔添，不過以後我就要做『賓佬』嘞！嘆咗16年，終於要重操故業啦！