網誌分類：未分類 |
呢條粉皮
自稱「粉皮」，真過癮。 也許只有這樣「精神分裂」的人，才拍得出無厘頭典範《賭聖》，也會有反傳統的《西遊記》。
「嗱 ，你又想解讀劉鎮偉？我上清華大學演講，就係叫你哋班友唔好講到我懶有抱負。 佢哋話《西遊記》『後現代』， 我到依家都唔知乜嘢係『後現代』。 我只不過係一個導演，寫劇本時從來無諗過要做經典。」
這可能就是無心插柳柳成蔭。《西遊記》在香港上畫時毀譽參半，評語是「睇唔明，佢搞乜」。 豈料在大陸上畫後卻受大學生激烈追捧，當中對白「若然要在愛情上加個期限，是一萬年」，被捧為經典中的經典；他客串的「菩提老祖」，更被奉若神明。
「國內咁勁，因為我打破咗兩個傳統。 一，我加咗條愛情線俾孫悟空；二，以往演繹孫悟空嘅方式都係京劇，我用咗現代方式去演。
「因為文化差異，大陸觀眾睇到香港觀眾睇唔到嘅。香港有幾大？每日返工放工，一係同阿媽食飯，一係同條仔拍拖，全部發生喺同一個地方。大陸人穿州過省打工，世界可以好大。今日個男仔可以喺北京火車站話好愛我，聽日亦可以喺湖南鍊死我……文化唔同，視野點會一樣？」
就是因為有不一樣的視野，劉鎮偉有本事令周星馳多年來一直心悅誠服。 九○年的《賭聖》他令周星馳一炮而紅，0四年周星馳拍《功夫》，指定要他任監製。 劉鎮偉也不是省油的燈，開出條件，要周星馳不可在片場罵人，他才答允。他是少數沒有跟周星馳鬧意見的電影人 。
「佢係一個聰明人，而我嘅角色就好似佢阿媽，不但睇住佢成長，仲係不問回報。佢身邊有太多人想攞佢嘢，又有太多擦鞋仔，得我一個講真說話。」
我們口中的「星爺」，劉鎮偉依然叫「星仔」。「前兩日打嚟，我都係叫佢『星仔』；佢就叫我『摭虎』（劉鎮偉洋名 Jeff ）。」
「摭虎」對「星仔」，像母親，也像心理醫生，永遠循循善誘。
「我叫佢記住，當一個人唔再同你打工，唔再在你身上得到任何利益，佢就係同你平起平坐。萬一佢同你反面，你就落唔到台。」
劉鎮偉身邊的猛人，豈止一個周星馳。八十年代初，他從英國留學回來，加入一家菲律賓財務公司主理基建項目，後來公司開拓電影市場，便由他負責。八一年，他拿着七千萬到美國傾院線，生意未傾成，大老闆下台，一切泡湯 。
「傾得成的話，會係一盤十億嘅大生意！十億都可以無，仲有乜值得計較？」
神話創造者
「神話創造者？當年都係咁咋，哈……都唔明條粉腸咁壓抑做乜？ 部部戲都好似死老竇咁！個頭污糟咪洗囉，梳乜鬼啫？（《阿飛正傳》劇情）對住罐罐頭講咁多做乜？ 開咗嚟食算罷啦…… （《重慶森林》劇情）」
當今世上， 可能只有劉鎮偉夠膽公開品評王家衛。二十多年老死，皆因成長背景相似。
「我同家衛都有個好剛強嘅媽媽， 爸爸反而比較懦弱。 我媽媽係四十年代第一個喺新界嗌離婚嘅女人， 爸爸已經係佢第三任丈夫。 家衛媽媽都好強，不過就無嫁三次。
「因為成長環境， 我哋對好多事都好敏感。 例如對住枝花，未去到傾偈咁誇，但一定會欣賞下佢。 家衛拍《最後勝利》時無人明佢講乜，得我明 。」
志同道合，兩人還成為生意夥伴。 王家衛的「澤東電影公司」， 劉鎮偉是股東， 公司還靠他的電影支撐。 《東邪西毒》超時超預算， 劉鎮偉用原班人馬拍《東成西就》； 《2046》犯同樣毛病，他再趕拍《天下無雙》。
「點都要令投資者有錢賺先，唔計較得咁多。」
他移民加拿大，索性把股份全送王家衛。
「好多朋友話我蠢，佢哋只係用典型嘅數目字角度去計算我，欣賞唔到我另一面。」
Discussion:
This is quite an outdated and partial extract from an interview by 劉鎮偉. I posted this because I felt it was a side of him that not many people knew about, including myself, and most people would have tended to focus on the lead actors/actresses in some of the aforementioned movies.
The lines in red are what I have particular strong empathy for.
