真的長大了嗎???

就快4歲的bebe,  成日同我講~ 媽咪, 我就嚟4歲啦, 大過仔啦 !! 話佢大個仔, 高咗佢就最開心, 早一個月開始轉咗奶粉, 告別了 雀巢肋長3+ lu, 因為已經停產無得買, bebe自已話要轉飲加營素, 飲咗會大個仔喎, 現在的bebe就係成日想自已大個仔, 其實現在嘅你, 說話同表情都已經好老積啦~  

今日有少少唔舒服嘅bebe, 唔知係咪食咗藥, 竟然變咗另一個人, 學緊英文時bebe好正經細細聲同我講 : 媽咪, 我大個仔啦, 我要學多d 英文, 比心機讀書, 我生日你都係唔好買玩具比我, 買書比我啦, 我大個仔唔玩具架啦!!! 嘩! 嘩 ! 嘩! 我有無聽錯呀?????? bebe竟然會咁生性........真係難以置信, 一定有古怪, 雖然今日上堂真係乖咗, 點不之隔咗一陣bebe終於開口啦, 叫我買個超人比佢, 即係頭先講嘅野全部都係假架, 原來扮乖係想氹我買野咋~ 返到屋企同亞媽講起呢件事, 原來bebe今日同亞婆瞓晏覺時都有同亞婆講喎!!話大個仔唔玩玩具, 要比心機讀書喎,  都唔知bebe邊句真~ 

影張相留個紀念先, bebe細過時就係食呢隻奶粉架啦~