9.20.09 摸蜆日 @ 貝澳

雖則隔左成2個月, 但是媽咪仍是要堅持補記返澔澔謙的日記, 因為想澔澔謙大個可以睇到媽咪同佢細個做過d咩.

9.20.09 - 我們一行成20個大人+1個b去摸蜆同BBQ, 以下每隻蜆都代表一個人, 最細果隻係澔澔謙的.

睇吓睇吓... 澔澔謙都摸到蜆呀... 勁呀 (當中唔小得媽咪在旁做一點點手腳先影到呢張相啦).. 不過見佢又唔驚, 仲好有興趣咁玩, 都好開心.

澔澔謙完全唔怕污穢, 唔怕沙, 又唔怕黑"蚊蚊"... 好開心咁, 望望d沙, 望望個影... 見佢不停咁探索, 好搞笑.

睇吓澔澔謙, 又試挖蜆啦 ~~~ 教左佢一次, 之後佢就成日去摸d沙... 之後媽咪叫2個朋友睇住澔澔謙, 點知媽咪買完野飲返來, 2個朋友話我知, 澔澔謙親吻大地... oh... 仔... 好奇都唔好親吻大地丫.. 成口都係沙, 好似污咀猫咁... 因為情況太危急底下, 相都無影到就立即去同澔澔謙沖身, 沖咀啦~~~

佢真是一名水怪, 一見到水... 飛身落去, 愈來愈大膽... 睇小一眼都唔得呀~~~

特別鳴謝+2 姐姐的泳褲, 不過澔澔謙應該出年先啱著, 佢著到條褲甩哂~~~

澔澔謙見到d浪湧埋來, 開心到不得了...

澔澔謙差d想自己游出去咁... 要daddy 捉實佢....

玩完一大輪, 澔澔謙當然要眠一眠啦... 夜晚見到uncle昇個"西瓜蛋糕" (其實我們以西瓜代蛋糕), 開心到不得了... 搶住要食...

雖然帶住澔澔謙, 媽咪唔係太多時間摸蜆, 但係可以同澔澔謙影到咁多相, 都好開心, 好滿足.