小表姐到訪

因為我堂妹會係今個月月尾結婚, 所以我已移居澳洲既堂家姐都帶埋佢囡囡(孖B既小表姐)番左香港....呢日佢地仲專程入黎探孖B添~


佢地大約十一點幾入到黎, 上左黎坐一陣, 傾下計, 之後就落樓下食LUNCH, 食完飯就同佢地係馬灣周圍行下啦~

不過岩岩食飽既孖B同小表姐都好眼瞓咁喎, 坐住車仔, 行行下就齊齊瞓著啦~


著住暖暖外套加被仔, 真係瞓得又溫暖又舒服~


呢日超多人, 好難得影到張無路人做背景既全家福....不過做乜大孖個樣遮住晒架!



行完馬灣公園就去左挪亞方舟個邊...小表姐岩岩瞓醒, 個樣仲係有D呆...


同樣係岩岩瞓醒既孖B...


雖然係黎到, 不過三個BB仲細, 入面D遊戲仲未岩玩, 所以都係係門口睇下算啦, 無買票入去, 無謂'SIDE'錢啦! 等佢地大個D先入去玩都未遲


不過方舟今日好多人黎玩, 路人見孖B咁得意, 都紛紛埋黎撩佢地玩, 佢地又唔怕人喎, 係咁對住人笑! 有得玩就開心架LAR...




有得玩, 當然唔少得爸爸個份啦!


之後再同表姐仔影多張合照~



回程番屋企時, 見到孖B好SWEET咁係度拖住手仔呢!


手拖手做對好姊妹


最後仲同佢地行埋沙灘添...第一次去沙灘, 孖B似乎麻麻地鐘意, 可能架車推得唔順, 坐得佢地唔舒服啦~不過佢地面無表情既主因其實係佢地夠鐘食奶啦...


細孖食奶扭計, 但大孖好叻女好快食完, 於是係等細孖時, 爸爸就抱住大孖玩下影下相, 佢仲玩得好開心添~


細孖終於食完支奶, 同佢上番車坐...喂, 妳係度表演軟骨功呀?


玩左半日, 小表姐都要走啦, 同孖B見多陣就要講BYE BYE


好啦, 暫時再見啦, 不過我地好快又會再見面架LAR! 到時又再一齊玩啦!嘻!