我們的牛孖囡

好興奮好緊張, 今日有兩件難忘既事, 第一樣就係我地同孖B終於第一次一家四口出動去街街, 只係得我同老公帶住孖B, 無姐姐/99一齊, 真正既Family Day...

呢一日我等左好耐架lar, 之前老公一直覺得孖B太細, 只得我同佢帶住孖B出街怕有咩意外喎, 所以次次出去, 唔係帶住姐姐, 就係要同99一齊, 總係去得唔夠自然暢快咁....不過今次就唔同lar, 我地兩個成功帶住孖B去街, 仲要去到灣仔咁遠添~


第二樣難忘事就係呢日我地約左另外兩對牛孖囡見面呢....一次過三對牛孖囡出場, 場面一定好熱鬧....

出發啦!~ 我地先坐船去中環

大孖第一次有自己既坐位, 當然要用安全帶啦...




不過無安全帶都唔怕...
大孖: 唔驚跌喎, 爸爸媽媽, 你地睇我扶得幾穩!


至於坐係BB車既細孖: 哼, 唔准影我呀, 我都無份玩, 唔開心呀~


去到中環就轉的士去我地今次既目的地, 灣仔合和中心, R66旋轉餐廳

去到人未齊時, 大孖已經先開餐, 人齊後, 難得一次過有三對牛孖囡出席, 梗係要黎個大合照先啦~



後面: blog 友 Londoncc_BB 既孖女, 婧慇 & 嫕慇 (7個幾月大)
前左: blog 友 牛孖囡的快樂天地 既孖女, 芷晴 & 芷暄 (4個幾月大)
前右: 大孖 & 細孖 (5個幾月大)

呢兩對牛孖囡, 我係blog度睇左好耐啦, 尤其大d既婧慇 & 嫕慇佢地係blog既相片真係好可愛, 而且表情多多, 我想見佢地好耐架lar...

十二隻牛囡腳


一眾孖B父母一手抱住愛囡, 一面開始交流


之後再影合照...不過呢個時候細孖開始好眼瞓, 影影下相坐係度都瞓著左...


無耐連大孖都係爸爸既懷抱中瞓著左...


趁住大細孖都瞓著左, 我同老公梗係要食左野先啦...


食完乘機影下其他牛孖囡先...芷暄妹妹


芷晴姐姐


婧慇姐姐


還有嫕慇妹妹


玩左一陣就乖乖係私家椅度玩既婧慇, 大家姐果然係大家姐


印尼姨姨好厲害, 一邊抱著嫕慇, 一邊餵婧慇飲果汁...勁!


影影下, 我地大細孖都瞓醒啦! 係人地架BB車瞓醒既大孖好好笑容


細孖都唔弱, 义足電之後都好開心


之後就由爸爸抱住細孖


仲有生果'啜'添




Louisa姨姨與大孖, 呢日大孖心情好靚, 同Louisa姨姨合照同玩都好合作, 呢張影得好靚呢...


仲玩得好開心




玩左差唔多成5分鐘, 大孖先開始發難要搵媽咪呢...


一家四口...


大家姐交流時間






三個大家姐: 大孖, 芷晴, 婧慇


玩玩下, 大孖可能見唔到媽咪, 又係度扭計, 但係一逗佢呢, 又笑番啦!


食下玩下, 好快tea buffet既時間要結束, 等牛孖囡芷晴芷暄食埋奶奶之後, 我地都要走lar...真係好依依不捨, 因為好似仲有好多話題未講完, 其實我地連玩BB既時間都唔係好夠咁...好希望大家好快可以再見面呢...呢個聚會雖短, 但真係好開心好難忘架!


之後, 我地又搭番船番屋企啦...細孖係碼頭度開左餐先上船, 今次上到去, 爸爸話比佢又自己坐下...




三父女


最後仲要多謝 Louisa 姨姨送比孖B既禮物, 係佢地帶住孖B勇闖海洋公園既手信呢, 一對小熊貓, 好可愛呢~


我當日掛住照顧孖B, 又要玩其他BB, 都無乜時間影相, 所以有d相都係係其他blog友度偷番黎, 希望佢地唔好介意啦!


想睇更多精彩照片同描述可去以下blog:

Londoncc_BB: 牛孖女大集會

牛孖囡的快樂天地: 牛孖囡大集會