墨爾本 食夠本

我果然能為大地帶來滋潤的雨水﹗今次趁澳圓勁低、機票又平，才的起心肝前往墨爾本，探幾年無見的Alice。墨爾本上個月先錄得46度高溫又乾旱無雨，我到埗個日居然開始落雨﹗仲要連續落足幾日，氣溫更驟降至23/4度，我的水命魔力果然夠強@@

Tutto Bene所在的Southgate也是遊河觀光船的出發地。

好彩今次旅程主要目的是hea同怒食，才沒有被雨水及陰天而影響好心情，有了為食妹Alice帶路，我嚐到了勁多澳洲美食，其中最難忘的有兩間。Tutto Bene(www.tuttobene.com.au)在Yarra River的南岸，餐廳本身的開揚河景已經令人心情非常舒暢，傳統的意大利菜更是這裡最大的賣點，對於愛risotto同意粉的我，呢度簡直是天堂，因為主廚曾經在意大利得過risotto大獎，十幾款risotto款款我都想試，但係兩個胃又點放得晒？結果試左蟹肉同waiter推介的青豆risotto，前者蟹肉鮮味香口到不得了，卻又不會覺膩，後者的食材--青豆絕非凡凡之輩，豆香在口中餘韻十足。

青豆risotto盛惠22澳元，只係港紙110蚊，好味到暈~~~~

另一間值得推介的就是有名廚坐鎮的Botanical(www.botanical.com.au)，除了頭盤選擇多又refreshing之外，走到店內更是型人聚集的酒吧，想睇靚仔來這裡錯不了。

Botanical成間餐廳分成好多個區，食飯最好坐open kitchen之外，順便睇埋廚師們表演。