湊B生涯

至從小B出左世之後,晚晚都好似無覺好訓, 種知個人好攰, 唔知點解, 小B以家食飽要我抱訓, 唔肯自已訓, 喊既時間專係要晚上或凌晨.

之後,自已都有小小情緒化, 小B喊, 自已心唸做咩咁難湊成日都喊架, 成日都要我抱架呢?攪到自已抱住小B都係到喊埋一份, 好彩老公成日都安慰我BB仔係咁架啦!

上星期去健康院, 小B健康檢查, 一切都好好, 仲重左, 我都有問護士, 點解佢成日都喊, 護士話, 初生BB好多都係咁...算吧, 以家我都習慣左, 初初我唸住餵MAMA奶, 但耐何自已過左咁耐到依家都無奶/谷奶, 健康院護士教我既方法都用埋, 都唔上奶, 又唔想比壓力自已,所以,轉番全奶粉.

坐月每一日湊仔係幾忙, 但真係好悶好悶, 日日食差不多既餸, 同埋沖涼要用彊水, 希望快啲坐完月, 可以食其它嘢.

P.S : 要多謝老公係我坐月呢段時間, 成日都帮我整好晒所有嘢, 日日返工前帮我洗奶樽,烚奶樽, 收工又帮我整一次, 家務又係佢做,又帮手湊小B, 自已湊小B好忙, 好似有少少忽略左佢, 不過好彩佢都明白, 小B出世後我辛苦左同忙左好多, 依家日頭我打多左電話比佢傾計, 我唔想忽略佢.