朱門酒肉臭，路有凍死骨

大家都識嘅兩句詩，講述咗貧富分化，貧富懸殊嘅問題，而香港則經測試為全球貧富懸殊最犀利嘅先進地區。

其實貧富分化嘅根本在於經濟制度本身，亦即市場經濟，市場經濟必然會導致貧富分化，因為係市場開放，但係唔開放又唔得，所謂“做又三十六，唔做又三十六”重邊會有人肯去積極做嘢，噉樣嘅話，財富創造就會劇減，更加扼殺創造力。

不過單單爾個又尚未導致香港如此情況，關鍵處在於人嘅思想，香港人嘅思想同內地人嘅思想儘管有異，但係有一點恐怕係相同嘅，就係賺到財富時又唔向社會回饋。

以前一位內地嘅富豪就話，自己賺到嘅錢做乜要同人分享，與之相反嘅係世界首富比爾蓋茨（Bill Gates），比爾年年月月都會回饋一大堆錢給社會。

不過噉又唔可以完全怪香港富豪，因為個社會係噉，人嘅思想係噉，文化係噉。要賺錢必然奸詐成性。所謂“無商不奸”。

“無官不貪，無商不奸”，已故中國領導人毛澤東就已經講過，而且亦係古代流傳至今嘅至理名言。