西方制度

上篇講到貧富分化嘅原因，既然係噉，噉點解決，其實西方對這個問題嘅解決辦法就係對富人抽取重稅嚟補貼窮人。香港被英國殖民咗一百幾年，但英國嘅嘢卻只係學識咗一半，點解係一半，就攞貧富分化而言就已經係。

另一個係新聞自由，西方國家都好注重新聞自由，但係有個問題，點解西方國家注重新聞自由，但係佢哋又不如港記般會被打？原因好簡單，就係香港又係學嘢只學到一半。美國有新聞自由，但係喺必要時亦會強力監管新聞媒體，另外就係美國新聞記者必定要明白嘅係“正確引導媒體”同“平衡報導”。所以話香港學嘢又係學得一半。

但難道香港真係一無是處嗎？有，香港做得好嘅係法制制度同埋對腐敗嘅處理，懂得如何減少貪污腐敗。香港嘅廉政公署嘅零容忍制度。香港亦都學到多少“富人政治”，曾蔭權月薪240000港元。不過問題係，官本位思想未完全清除，所以仍然會有問題。要對付貪污問題仍然要從思想教育、制度、逐個斬殺落手。話香港做得好，係因為香港每年都有關於廉政公署嘅電視劇或者宣傳片，從一個側面嚟思想教育，又有完善法制，雖然未能夠完全做到冇腐敗，但係已經做得好好。

點解官場一定會有腐敗，就係無論邊處官場都要遵循官場規矩，而爾套規矩所需嘅金錢真係不可以道理計。所以我話包拯一定有貪腐，但係金額好細，又冇超出灰色收入，所以咪冇人知道囉。再加上官本位思想，想冇腐敗都冇可能。

香港人成日都要求普選，但其實西方嘅普選往往需要花費極大嘅一筆金錢，所以往往候選人都係有錢佬。既可解決普選嘅經費問題，亦可解決官場規矩等等。重有一點就係全球通行嘅世襲制，其實唔單止娛樂圈係世襲制，就連政治都係有世襲制嘅存在，而且都係全球性。

有好多時，香港學嘢都係只學到一半，係未滿師，但又偏要就噉實行，而且香港人屬於亞洲人，同歐美文化差異巨大，有好多嘢其實又唔可以照搬。 但香港喺港英時期長期俾人邊緣化，所以非要學習對方嘅嘢，所以導致學嘢只學到一半。