Revell US返貨

今日走左去永安後欄，發現到在一D美國Revell的飛機，包括F-18F、F-15E、F-101等，不過今次都幾貴，所以只係買左盒Do217E4就走人，如果呢批美國Revell貨好似上一水(幾年前啦~)咁平，相信會買多好多野，有時，D kit這水準一般，但價錢平，唔砌都會買盒擺，但係而家乜野都貴，買之前真係要細心想過，買左之後，自己會唔砌呢架野呢？不過今次聽聞返貨不多，要買襯手！

今時今日，買盒模型一D都唔平，意記新出架二戰意大利機，賣到二百幾，以前同類野新出都只會係一舊左右，成日話而家越來越少人砌模型，試想細過果陣，唔食兩餐就買到盒不錯的模型，而家一盒模型的價錢，可以食一個星期飯，唔通要日日食空氣？