万千星辉颁奖典礼2007

刚刚睇玩TVB万千星辉颁奖典礼2007，睇之余仲同同学做sms现场直播，发表感受。可想而知，TVB哩次牵连甚广啊。鬼咩，日日追TVB电视剧，梗关心D心水演员有冇收获。

好彩崔建邦冇主持奖都有个飞跃奖，好彩好彩。都唔明个《味分高下》有咩好，连续得奖，冇D好睇。

女飞跃俾左徐子珊，初初仲以为系法拉添，真系打错算盘。想深一层，徐子珊上得TVB月历封面，得奖机会好大，又系港姐冠军，仲唔食住上啊。但距今晚个妆好失败，虽然我同距系同一个乡下都甘讲，真系好丑，仲丑过胡杏儿个烈焰红唇，由于距个妆太“特别”，仲俾我同学有借口笑我：你个“好朋友”啊，顶。

讲到配角奖，原来法拉仲劲，唔拿飞跃，直接飞到女配角，睇来真系要好好多谢陈生啦。而舅父波就拿男配角，揭开一轮得奖的“溏心风暴”。

至于内地观众最喜欢男女演员，林峰同黎姿双双胜出。好彩，林峰有奖，黎姿都系。由于俾《通天干探》个编剧搞左一野，唔使旨意拿最有分量的女主角了。又好彩内地一早出晒《通天干探》翻版DVD，虽然系国语版，但在台庆前俾内地观众睇晒，爱上晶晶，为死去的晶晶投上神圣一票。晶晶好野，编剧弹开！

溏心风暴又来了，最佳剧集压倒性胜利。大细契分左最后的两个奖，最佳同最喜爱。大契得奖时，全部艺人企晒起身鼓掌，真系实至名归啊。

讲到主角，陈豪真系掂晒。同旧年啊佘一样，两个大奖在手。得得地得左啦！！！等住上《志云饭局》啦，哈哈。提起陈豪，自然想到廖碧儿。连出场都系安排距地两个拖手出，煲水新闻煲左甘长时间，冇野先奇啦，虽然觉得陈豪同黎姿登对D。唉，唯有做银幕情侣啦。《通天干探》要阴阳相隔，等出年《珠光宝气》啦，仲有我喜爱的菜少芬。

最后，不得不讲下肥姐。见到距被轮椅推住出来，拿奖讲感受果阵，真系心都酸晒。唉，肥姐太惨了。太多感触，唔好话现场D艺人都流晒马尿，连我都感动连连啊。肥姐我支持你啊，加油！！！

好，睇相

肥姐加油！！！

细鲍，大契好野！！！

陈豪最靓仔的一刻。

全体获奖者大合影

溏心玩晒

男女配角，法拉记得请陈生食饭啊。

好彩林峰同黎姿冇斋坐，有奖。

原来玉莹同尔淳都有计倾。

好野，中韩混血儿！

系有野嘎拉，得米啦得米啦。

美国个艾美奖睇你嘎啦，闵大人。

烈焰红唇啊，林峰速闪。

谢天华同邓萃雯咪几好咯，几衬啊，锵锵三人行咩。

犀厉啦，富婆拖住四只鸭仔啊。