澳洲(5)

今日就要搭機落雪梨喇~~

一去到雪梨, 我哋就立刻去魚市場醫肚

呢位叔叔每日返工就係開蠔, 一直開到放工......

哈...哈...醫肚時間~~ 呢隻太平洋蠔帶有少少海水鹹味(我至愛)

蟹就麻麻地, 但就啖啖肉......(掛住食唔記得影黃帝蟹tim)

芝士焗龍蝦.......超 "正"

三文魚片、海膽好新鮮、好甜, 呢隻石蠔咬口比較淡味及creamy

炸薯條就好味過麥當當, 龍蝦拆肉後原來d蓋好薄好薄!!

食飽後又出海, 今次係出去睇雪梨icon 『雪梨歌劇院及大橋』

由於我哋住呢間酒店係雪梨商業區, 所以地段貴連牀都細d(類似中環區)

酒店對面就有間古典建築物(名牌集中地)

呢一區夜晚都好多人行街shopping