mia表妹 畢業啦 ~

10月18日 ... mia表妹 讀完個大學 , 終於要畢業啦 ! 佢就叫左我地去到 hku 同佢影下相咁 ! 第一次戴四方帽係一個值得紀念的日子 ! 所以 , 我地都特別早起身 ... 為的就係一早去過海 , 陪佢高興下 !

雖然 , 我無大學畢過業 ! 但係我都參加過唔小畢業禮 ! 最難忘都係朗朗的畢業禮 , 我以半家長的身份入去觀禮 ! o個份感動 , 自今仍未遺忘 ! 也許 , 我理解每一個學位真的得來不易 ! 箇中要付出的努力 , 係好多好多 ...

我地更係要影番張大合照先啦 ! 原來 hku 都正樓都幾靚 , 幾有古典感覺 ! 影完相 , mia表妹仲 book左 地方請我地食飯 , 真係唔話得 ! 我好乖 , 佢話要番 d 相 , 我就整左隻碟比佢 ! 不過 ... 未知幾時會見到佢呢 ??? 哇哈哈 ~ 我今日唔記得拎埋佢的生日禮物比佢 , 比佢鬧到我死死下 ! 無計啦 , 我之前o個晚好夜訓 , 第二朝又趕著出門口 , 係咁上下架啦 ! hehe ~

睇張相以為我好好人幫佢整番頂帽 , 其實係之前 ... 佢擺好晒post同我影相時 , 我拍跌左佢頂帽 ! 我地勁影表妹 d 蝦碌野 , 等佢有個難忘的畢業禮 ! 哈哈 ~ 佢雖然勁鬧我 , 但係佢都係忍唔住笑 ! 之后 , 我地又一齊哈哈大笑 ... 好白痴 ! 佢仲同人投訴話我成日整佢 d 頭髮 ! 哈哈 ... 佢唔講我又唔記得 ! 佢一講 , 我就即時做比佢睇 ! 佢即刻閃避 , 情況好攪笑 !

希望 mia表妹 今日開開心心啦 ! 大學畢業 , 大個女架啦 ! 要乖乖地啦 ! hehe ~~~