久違了的 lunch k

10月24日 ... 難得阿朗番黎 , 我地又出左去呀 ! 我地一早就起身 , 為咩 ? 真係估都估唔到 , 就係去唱 lunch k ! 我地先到元朗的人境處陪阿朗拎野 , 之后就去左唱 k ! 但係拎野的過程就十分好笑 ! 首先 , 係我夠白痴 ... 因為去台灣時我係簽台證 , 我完全唔記得要用護照 , 我仲同佢地講我申請左好似未用過 ! 點知 , 佢地就話你去台灣都要用啦 ! 係咁一輪咀咁話我 , 哈哈 ~ 真係好低能 !

而家的護照真係好靚呀 ! 我都好想換一本 , 不過我都夠期要換呀 ! 如果唔係唔出得境 , 連台灣都去唔到 ! 哈哈 ~ 我地慶高彩烈咁研究緊本野的時候 , 突然有個女仔行左過黎 , 教我地本護照唔可以屈 , 有晶片 等等 ! 我地仲以為佢係入境處的義工 , 正當我地了解完諗住走的時候 , 佢就拉左阿朗埋一邊 , 原來佢係一個賣護照套的 sales ! 我地當堂 O 左咀 ! 哈哈 ~

不過 , 佢又真係平過出面買既 ! 之前睇過都要 3,4百 , 而佢就買半價 ! 所以阿朗就忍唔住手買左個 ! 點知 ... 買左佢先發現 ... 之前有人送左個比佢 ! @.@""" 不過 , 我地一致都覺得個囡囡好勁 ! 佢一定係 top sales呀 !

我地去到元朗的 red box 唱 lunch k ! 真係不得了 ... 好耐都無試過 ! 不過 red box 的自動任飲又真係唔錯喎 ! 但係唱的時間就小好多囉 ! 雖然新歌多 , 但我都仲係鐘意 neway 多 d ! 起碼無人會趕我走 ! 哇哈哈 ...

好攪笑 , 我地唱完出黎見到 d 鬼怪佈置我就話要影相留念 ! 我地一人挽住聲聲一邊手 , 以示支持啦 ! 兄弟 , 加油 ! ^o^ 我地好耐都無試過下午三點唱完 k , 之后 ... 我地仲一齊行街 , 飲tea ! 好開心呀 !

我要去大同買野 ... 聲話想食皮蛋酥 , 我就買左一個比佢食 ! 我自問就怕左o個陣味呀 ! 阿朗話要試下 , 阿聲就比一半佢 ! 點知 ... 佢只係食左個蛋黃 , 就唔肯再食 ! 笑鬼死我 ! 真係好呀 ... 每次阿朗番黎都可以見下佢 ! 雖然同佢話遠唔遠 , 但係要見都唔易呀 ! 哈哈 ~

今日玩得好開心呀 ! 期待下一次阿朗又回來呢 ... 哈 ~