一個令人反感的推銷電話

每天都收到不少推銷的電話。深知道人家也是打份工,所以每次接聽,都好客氣咁拒絕。

話說,之前入左好多"媽媽會",攞下唔同既贈品~

其實好多間都好好,打黎介紹產品之餘,都會教你一些知識和問候近況。

但昨晚10時卻收到一個令人反感的推銷電話,那就是"disney美語會",是一間經常推銷萬幾兩萬蚊教材的一間公司。

「請問小姐你之前有無收到我地公司寄俾你既sample呀?」

「有!」

「有一隻vcd、一隻cd,你有無試過聽呀?」

「未有時間。」

「咁你有無進行胎教,聽下音樂咁呢?」

「都有...」

「你可以試下播下我地隻cd,d歌比較輕鬆活潑。你有無朋友用過我地既教材呀?覺得點?」

「有聽聞過囉,都係俾小朋友娛樂既多啦!」

「哦.....其實呢,小朋友一路聽歌一路學習係會學得快d架!我地公司其實可以安排上門教你點樣去教小朋友。」

「嗯...唔需要嘞,我都係做呢一行既,對小朋友既教育都好清楚。」

「既係邊行呀?」

「教書既....」

「就係你地教書既先至無時間教自己既小朋友喎!」(就係呢句,真係火滾!!)

「咁自己唔教,咁邊個教呀?」

「好多教書既,都係教唔到自己既小朋友架啦,要搵補習...我好多客都係咁架~」

「呀小姐,我好唔認同你既講法!咁你地無需要上黎我屋企介紹產品嘞!」

我狠狠的cut 線!!!

好想打去投訴添!!!