1083電話查詢

Case 1. 牛頭唔搭馬咀形:
A: 你好, 電話查詢, 請問有咩幫到你?
亞嬋: 唔該豐明銀行呀!
A: 請問要邊區呢?
亞嬋: 有邊區呀?
A: 有銅鑼灣, 中環, 尖沙咀, 屯門
亞嬋: 咁要元朗啦!
A: 小姐, 唔好意思, 無元朗區喎!
亞嬋: ? 咁有邊區呀?
A: (頂...又講多次) 係有銅鑼灣, 中環, 尖沙咀, 屯門
亞嬋: 咁元朗呢?
A: (你老闆, 本人唔想再拖) 小姐, 無元朗區架,
或者比最近屯門分行你啦
亞嬋: 唉...咁麻煩架, 是但喇!
A: (咁唔願意唔好要嘛) 係, 請記低號碼....

Case 2. 鄉音未清形
B: 你好, 電話查詢, 請問有咩幫到你?
亞伯: 唔該蓮學疆屍呀!
B: (已經想笑) 唔好意思, 係咪蓮花個蓮呀?
亞伯: 唔係呀, 蓮學個蓮呀!
B: (妖...講等如無講) 咁係咪學年掉返轉呀?
亞伯: 都話唔係咯, 呢.....蓮學航空個蓮學呀!
B:（頂．．．） 聯合呀???
亞伯: 咪係囉!
B: (仲覺得自己) 咁請問疆屍又係咩呢?
亞伯: 一間間d疆屍呀!
B: (B被激得半死) 哦! 公司話?! 請記低號碼啦....