老總黎啦!

我最近飛一班機，個老總算新，佢好似俾公司洗咗腦咁，對姑要求任何事都必需合乎公司的水平，開會時佢事先聲明自己的要求，你唔好以為佢講下，其實由開會見你的第一眼開始，佢已經開始審核你的化妝，指甲，鞋等等，如果你有咩唔合格，當你一出房之後佢就會揾機會直接同你講！！

我第一次同佢飛，有個女仔話，同佢飛一班機就用晒成支唇膏！哈哈哈！因為佢不定話你個嘴唔夠色！！

今次我一個加四個香港女仔一齊做後面經濟客艙，上機不久我地好快就收到風前面有個女仔俾佢捉個妝同夠“勁”，大家立即加緊搽唇膏！我亦好坦白咁同佢地講，叫佢地小心ｄ，我ｄ分靠晒佢地！哈哈哈！

好彩四個都好乖好快同好醒，自動波令我好放心！老總第一餐落黎幫手，第一句就問我阿邊個邊個有無笑，我立即好肯定咁答佢“有”“當然有”，力撐ｄ女仔做到野，無問題！之後我立即出去打眼色俾佢地睇，叫佢地笑得勁ｄ！佢地即時收到！

我地派完餐後，老總又惜ｄ椅話想睇下個餐好唔好味，攞起個餐開黎睇下！我當時心想“老總，你係想試下我heat個餐熱唔熱吓嘛！唔係扮野啦！”，佢摸完個餐之後就話自己都無咩幫到手就走咗啦！我即時同大家宣佈“我地已經通過測試”！！可以鬆一口氣，之後第二餐佢只係出現左一面，係咁依問下有無野幫手後就走咗啦！！！！！！

我真係要多謝我依四個女，唔係因為緊張ｄ分，而係其中一個有一樣問題，我都要負責令佢改善，唔係個個講都講得聽，唔係個個都咁合作作出改變，到時真係會俾佢由機頭煩到機尾！