網誌分類：星星洲記事簿 |
圖片
網誌日期：2008-06-12 20:39
呢兩本Jamie Oliver o既cook book，係o係地攤差不多半價買返黎。
最難得o既就係兩本都係新書呢~之前一直o係書店見到好貴唔捨得買呀! 現場所見，本書用條鏈鎖住，兼比人掀到爛晒...知道好多人都唔捨得買haha...點知有一日比我巧遇呢兩本書，即刻唔駛諗啦!
Jamie煮o野叻唔叻我唔知，聽過有人話覺得不外如是...不過我好個人o既見解係︰煮西餐唔同煮中菜，中菜係認真地講技巧、步驟同好多不為人知o既小竅門，先會煮得好食，而西餐呢方面會比較簡單。
多年前開始睇Jamie Oliver，主要係佢手腳快，唔似一般教煮o野食節目咁慢條斯理，因為我係一個無咩耐性o既人。除此之外就係佢生活化，隨手o係屋企都可以摘d herbs黎用，呢個我又好like~^^。
重有就係，佢煮o野食時會講好多小秘訣出來，例如處理牛排時，先用刀o係肉上面鐅幾下，再插herbs 如 rosemary等等入去個d窿到可以更入味...呢d都係好重要o既小技巧.......當然睇佢最重要o既原因係佢係一個sweet guy啦~~
頗靚仔(雖然近年稍有發福)之餘講O野又風趣，身邊個女人由女朋友變成老婆再加埋仔女，都無時無刻表現出好愛屋企人...呢d男人真難得，重要賺咁多$$養家...重要o既係，我又見唔到佢發牢騷話賺錢辛苦(梗啦，我又唔係佢老婆haha)~oh，邊度搵?
有多的話，比個我唔該~!
*今日睇Jamie D書想搵靈感 ~ 最後煮左"拔絲咕嚕肉"...haha，九唔搭八~
