發溫雞

尋日同朋友仔去咗荃灣新之城1樓一間專賣襪嘅舖頭打算買嘢, 點知就比個職員玩死, 仲搞到興興地......

話說家下出咗好多專for著涼鞋嘅襪, 真係你諗到嘅都有, 見朋友仔買咗一對只包襪頭加長腳板厚墊嘅襪, 著得好豬服, 所以我都去搵喇....

去到一間舖頭度左睇右睇....

職員: 隨便睇, 岩嘅我攞比你吖

木頭: 我想問有冇淨係包腳趾有腳板墊冇後跟帶嘅襪呀?

職員: (指住舖入面我睇緊嗰個架) 呢個冇喎... (指住門口個架) 呢度啦, (指住後跟有帶嘅襪) 呢d咪係囉!

木頭: 我要後面冇帶嗰d喎....

職員: (串串地又指住門口睇緊嗰個架) 呢個冇架, (又帶我返入舖去另一個架) 呢d囉!

木頭: 我想要只包腳趾有厚墊嘅涼鞋襪喎!

職員: (特然冇禮貌!!) 冇呢d襪架!!

木頭: 吓!!  我朋友依家都著緊喎!!!!

職員: 我都話我冇呢d嘢咯!!

木頭: (唔客氣咁閙返佢!!!!) 我一早咪就係問你有冇得賣囉!!!!!!

職員: (發神經咁!) 我咪一直同你講我呢度冇得賣囉!!!!

發溫雞!!!!!!

如果你有一開始就話我知你冇得賣, 我就一早走咗啦, 仲比你係度指嚟指去, 冇得賣又老點我睇呢個架睇嗰個架!!!!!

痴痴地, 有乜理由閙返客人架!!!