真DUP骨驚魂(Part 1 - 沙塵滾滾)…勁好笑

轉貼: 

呢個係我親身經歷,   x 代表粗口啦...

尋日下午三點幾,車住條大陸客經過旺角.佢無啦啦話知檔野幾好係砵蘭某大廈三樓, 要我陪佢去DUP骨全套試下 ,我心諗事旦啦,橫掂無野做, 去DUP番粒零到OK,又睇下砵蘭D料有幾高水準啦. 咁咪拿拿淋掉頭停左架車係家樂商場然後行過去law.

上到去一路除衫準備沖涼, 果條出黎招呼我地既靚仔就一路(盧海鵬)咁望x實我除, 直情點x左穴咁硬x晒呔, 我終於忍無可忍, 兜口兜面喝佢.: [你啤x夠未呀?] 跟住條友先至眼神呆滯粒聲唔出好似條喪屍咁轉身行開,不知幾x恐佈.

跟住入去沖涼啦, 沖左都冇三十秒, 突然間一個類似老細ga中坑物体, 竟然帶住兩個裝修佬入黎睇裝修, 一陣又話要拆牆, 一陣又話要起x番鳳牆, 總之九唔答八,長編大論, 鬼殺咁糟…我心諗我又由鳩你,跟手有其中一個裝修佬,唔知邊度潛x左支電鑽出黎, 真係鑽起上黎.,搞到沙塵滾滾. 景景轟轟 鬼咁熱鬧, 鑽鑽下仲鑽到黎我果格, 個老細仲好意思叫我去後面果格再沖過. 我好x滾想發老脾但係又覺得好x好笑, 再加上個老細又SORRY 前SORRY後鬼咁好笑容, 仲走去後面果格開x埋水比我過去,,真係發唔出, 我心諗我又忍鳩下你. 去後面格沖埋佢算x數. 點知搽x左番皂都未沖水, 個裝修佬又鑽x到埋我果邊, 叫我再過多格沖, 激x到我差D開佢拖, 跟住個老細又好x敏捷咁彈過黎, 笑容滿面兼起勢講SORRY咁幫我檸隔離果格開水, 我實在忍無可忍咁同佢講 :[ 呀老細下嘛, 你呢度得六格沖涼我就沖x左三格, 我個Friend都入左去DUP緊啦,呀老細, 我就涼都未沖得完呀, 你到底想點呀老細.] 個中坑老細就係咁得過SORRY ,我見佢都冇x第二句 ,咪惟有拿拿行過一格沖埋D皂囉!! 點知條裝修佬會唔會又鑽過黎架…

終於平安無事沖埋個涼入去DUP骨, 一開房門, 莫講話條女個樣, 裡面真係黑x到到底有人冇人我都睇唔x倒!! 淨係靠門外少少微弱燈光射入去,見到有一個細小ga人影係黑暗ga角落頭慢慢咁行緊出黎, 你地試諗下果陣時果個FEEL係幾咁迷離. 幾咁詭異. 各位, 唔係講笑, 我真係有D驚…………