謝家雪菜之趕趕趕

10月19日TVB42周年亮燈儀式. 都唔知點解會令我咁忙, 前一天因此沒了一天時間. 電話才截數不久才過了5天, 已經用了300幾分鐘.....唔係啩. 怪不得星期日會沒了一天時間 = =||||||

19日整天就是趕趕趕.....真的好趕. Lunchtime 趕住打電話, 雖然有2個電話, 但同時有call, 真orz.....我的午飯啊~~~邊吃邊說. 趕下班, 趕搭MTR. 不過很失策去了康城, 原以為會近電視城多些, 可以步行過去. 點知實Q哥哥說, 以你們步速要走1小時. 唔係啩... 1小時什麼也開始了啦, 那時也都6點25分了啊.  CALL TAXI, Anita還在猶疑時, 我說我畀TAXI錢, 最緊要看到錄影. 之前忙了一大輪, 現在看不到錄影不甘心啊><.   剛巧遇了一個又是去電視城的年青人. 我的搭訕病又發作(此病間歇+突然性發作, 沒有預兆), 問人是不是去看亮燈不如一起搭TAXI啦, 應該是因為很著急什麼也不怕了, 人家本來臉皮很薄, 很怕生, 文靜又內向的 (唔知有沒有人相信呢? XD) 談話中發現原來他是羅家良的FANS, 大家說了一下身為FANS待遇. 他很羨慕我們, 其實好多時都是你睇我好, 我睇你好啫, 唉~~~ 最搞笑是實蕉哥哥以為ANITA去電視城見工, 哈哈~~~ 之後又以為我們是亮燈儀式搞手, 唔好玩啦. 如果是搞手就不用在這荒蕪之地CALL TAXI啦.

等了5 MINS不對勁, 因為車程太近啦, 沒TAXI來, 我們即時搭MTR往將軍澳再搭TAXI啦. 在月台上等MTR時, 打給盈盈問現場情況, 好彩還未開始, 她建議我打畀Louise叫佢那部Taxi來康城接我們, 點知那司機原來不識路, 最初是不願意的, 我在月台上不知多著急啊, 因為康城的列車是好久才一班啊. 終於有車來啦, 我們跳上車去了, Louise才打來說司機又願意去接啦. DING, 司機大佬你早D說啊, 上左車on the way去將軍澳啦. 到了將軍澳怎料又下雨, 為什麼在趕時間才下大雨??? 又要拿雨傘. 幾經辛苦終於截到TAXI啦, 那司機本來是打算休息的呢, 我們真幸運, 不幸中之大幸啊. 在車上趕著吃我M記包包晚餐, 又要聽電話, 那把濕濕的雨傘又唔知點放, 鬼咁狼狽= =||||| 快到了時, Louise又打來說5mins內要到, 不然不準入場了. 嘩~~~唔係嘛. 好彩司機話唔駛5mins就到, 不過我也加了一句, 唔該幫幫忙開快些, thank you. 急死我啦><

嘩~~終於趕到啦. 原來發現有好多人跟我們一樣遲XD 這種時間錄影, 我想除了不用上班, 早下班 OR上學中的人才可以準時抵達啦. 大家也是很趕的樣子, 而且一看就知道是FANS, HAHA. 再發現原來這世界真的很小, 尤其是在FANS界中, 原來阿SAM就是今天畀飛給那個羅家良FANS的人啊. 真的很巧. 不過TVB實Q真的很沒禮貌啊!!! 知唔知咩叫尊重啊? 就算阿叔你更年期都唔可以係藉口wor. 你唔見我有飛ga咩? 我張飛畀人剛剛拿左咋, 咪係返度lor. 我又沒犯事又沒做錯唔好用一些對好似監犯ge態度對我wor. 如果更年期煩躁就睇醫生啦 !! Crazy!!!

Yeah~~入到錄影廠啦. 一堆藝人好像在台上綵排中. 好多人啊, 見唔到大佬啊. Anita好眼利看到大佬啊. 她說是在第2排最右面那一個. 我找了一下還未看到, 再看幾眼終於看到啦>v< 嘩~~大佬好像穿得咁causal ge, 那時我還未發現那是laughing哥戲服 XD. Anita一邊說要找個近些的位置, 不過我又看到東東他們在尾3那一排. 唯有上一上去看看是什麼情況先. 點知那邊沒位坐, 要走到另一邊... 又要行返落去. Anita不知鬼咁開心, 因為可以找一些近台的位置坐. 剛巧第一排有3個空位, 她二話不說就拉Louise坐下, 我說這位置好揚wor, 被影到就慘啦. 佢地好有人性話你自己上去坐啦 = =|||| 很好, 我自己上去尾2那排同東東個friend坐. 早知鏡頭影唔到觀眾席, 我就坐第一排啦. 可以同大佬講幾句無聊野嘛. Anita同Louise就好啦, 大佬都有同佢地講左幾句無聊野. 我點知? 因為大佬講野好大聲我聽到少少 和 Anita事後跟我說的, haha.

7點1x分未正式錄影, 還在綵排中. 他們在綵排那隻有點寒的手fing fing舞. Candy媽打電話給我, 問我不是去了電視城看亮燈嗎 ? 不用關電話? 我說未正式開始錄影, 而且又沒說要關電話 XD. 其實就算要關電話, 我只會轉靜音, 不會關的, 哈哈. 在這期間大佬排完舞啦, 下台等正式錄影. Anita大叫天華, 大佬發現了她們, 笑笑口問她們為什麼不坐上去同大家一齊坐. 她說近d嘛 (係啊, 真係近到爆, 如果唔係點同大佬講野 XD). 之後掃視了一下我們坐那排山頂位, 由東東那邊望起, 終於望到我啦 (我坐走廊旁邊><). 我一手搖動Laughing牌, 一手拿電話, 因為還在傾嘛, 好鬼狼狽. 我都唔記得同Candy媽說了什麼, 好像說大佬同我揮手啊之類, 然後就急急掛線, 所以千萬不要在這種時間打給我 XD. 哈哈~~ 我有手同大佬揮手啦, 佢又同我揮手, 指一指我. 哈哈~~ 我好低B啊. 之後大佬就轉入台邊同其他藝人一起.

仍然未開始錄影, 我也如美 女廚房錄影那次一樣, 忙於找大佬的身影 XD. 看到大佬心情靚爆, 四圍同人吹水, 同3哥和錢嘉樂最好傾. 當眾多藝人忙於練舞時, 他卻十分輕鬆地在一旁看和繼續聊 天. 哈哈~~這種舞點會難得到他呢. 不過大佬也隨意動幾下練舞, sorry, 可能他是很認真的, 不過我看他輕鬆的樣子, 實在覺得是隨意 XD 間中也聽到大佬同其他藝人的對話. 不禁想說一句, 大佬你好好中氣啊. 我坐尾2那排都聽到你D笑聲同講野啊XD. 這樣也好, 不然得正式錄影那2句說話實在不夠候, HAHA.

整個亮燈儀式可說是.........十分悶啊. 如果不是有天華來, 一定悶死我. 看到中段, 我差點睡著了. 對我來說最好看的就是前半部和完場那一幕. 因為有大佬出場嘛>///< 正式錄影啦. 手fing fing舞發動!! TVB的收音技術好高超啊. 明明觀眾席上一遍笑聲, 但是播出街的版本, 一點笑聲也沒有, 強啊. YEAH! YEAH! 終於到學警演員出場啦, 主持人說天哥和Laughing哥出場, 我最初也沒為意, 因為林利(天哥)也有在一起. 不過最後主持人說多謝天哥和Laughing哥時, 我才意識到應該是孝哥吧. 他真夠膽, 不怕被3哥fans柴台嗎? 李浩林你真的要多功課啊, 竟然說錯名字, 還要是2次. 唉. 菊姐唱完宮心計主題曲, 一眾藝人也退回後台. 唔唔...大佬也入了後台嚕.

Zzzz.....終於完場啦. 大佬和司棋姐挽手進場, 嘻嘻. 一眾對人喊了句42周年的口號就完場了. 大佬一下台, Anita又好浮誇地叫大佬. 謝天華, 好靚仔. 我在尾2那排有衝動叫下去, Anita你唔好咁浮誇啦, orz. Anita憶述大佬給了她一個叻的手勢 (豎起拇指). 之後大佬也向在山頂位的我們揮手示意. 他又望著我, 再指了指我啦 >////< 我肯定他是指我. 因為我後面, 前面也沒有謝家人, 而隔鄰的他應該是不認識的. 不過唔知佢記唔記得我個名呢><.

散場啦. 在考慮等不等大佬, 因為如果等大佬就不能搭接駁巴士了. 擾攘了一輪, 急急急, 收到消息說天華有事做不能停. 大家也跳上車離去, 因為巴士快開了. 不消一會, 巴士開出. 不夠2分鐘, 收到盈盈call, 他經理人說天華肯停. 不過FANS都上晒車, 她說聽到天華說咁唯有下次啦. 唉~~ 係啊, 大佬, 唯有下次啦 >< 好久沒有跟你交談過啦, 唔唔~~~ 天華和他的經理人也留了口訊給我們 [今晚大家表現好好, 大家辛苦啦, 多謝各位出席]. 聽了後都有點安慰. 不過跟一大班謝家人一起真的很開心, 雖然有點美中不足未能與大佬傾計, 但都好好了. ^^

總結:
就是那一, 兩分鐘就可能改變事情的發展.
為什麼次次見天華都要跑? 可唔可以下次見他時不用跑啊? 唉
這次活動都算開心, 哈

ps. 小插曲, Anita憶述的, 雖然我沒看到 (我只看到羅家良面向觀眾席練舞). 不過聽起來幾有趣. 由於撈家的"精彩練舞". Anita和Louise也喊了他的名字以示支持. 想不到他會走過去她們那裡跟她們聊 天 (撈家好好人啊, 我都想同佢聊 天啊>///<) 之後還問要不要幫她們叫謝天華過來. Anita立即說好. 撈家走到天華身邊說他的fans想找他. 不過大佬太投入與其他藝人聊 天未有為意. 撈家指一指大佬, 做了個扁扁咀表情說, 他不理你們. 哈哈~~好得意啊.