七一回歸

70日既 Maternity Leave + 15日 Annual Leave即日告終~  聽日就要返工勒~  3個月既假期完結，十分唔捨得……

茵茵豬過埋聽日就3個月大~  呢幾日發現佢有進步呀~  姨姨買左部Vtech可以播放音樂既機比茵茵~  婆婆日日都會播比茵茵聽~  (因為佢扭計時，聽到就會收聲架啦) 

姨姨買呢部機既原因，係媽咪 — 我成日唱ABCD比茵茵聽，"暗"佢訓~  而呢部機內置又有呢首音樂~  當然部Vtech唔只一首歌既~  又可以用o黎教茵茵1234、仲有d動物聲、顏色既發音咁~  同佢玩左幾日，發現茵茵淨係識聽~  但播到ABCD時，佢會不停講BB話，好似跟住唱咁……  好得意

另外，媽咪抱住茵茵時，同佢講『要乖乖，媽咪要返工啦~  放工先返O黎睇您~』  佢又會用BB話應我~  感覺好似聽得明我講咩咁……

真係唔想返工…… 除左唔捨得個囡外，返工一定會做到死架~  畢竟放左3個月假~~~  希望主耶穌會帶領我啦~

************************************************************************

另外，返工後一星期，要準備搬屋~  家陣係日日執包袱咁……  跟住過多兩星期，就會收樓，又要搞裝修~  真係難以想像既『辛苦』。

主耶穌，希望祢會好好看顧茵茵~  佢仲好細個，咩都唔識~  唔好比佢成日where損自已塊面~  希望佢可以飲多d奶~  健康、快樂咁成長…  以上係奉主耶穌基督之名而求！  阿門！ 

************************************************************************

另外，家陣101.2磅既我，幾時可以減到93磅？  我d褲著唔到呀~  暫時買左一條黑色褲應付住返工，同埋一條低腰牛仔褲~~~  o黎緊星期六使唔使再買多條呢？

唉~  一隻死肥婆咁返工！