BB@7 month

茵茵豬响6-7個月裡面，最大既轉變係……

1) 食野﹕明顯大食左，但就唔鍾意飲奶囉~  食粥可以食到一碗、食糊仔都可以食到4匙以上~  買既Baby Food﹕西蘭花、雞肉、布丁、士多啤梨、桃、梨、奇異果……  全部都鍾意食~ 晚餐既時候，鍾意同大人一齊食！  都會比d飯飯、番茄同魚肉佢試~  最鍾意食魚~  一條魚，可以食到半條！！！  但發覺佢對薯仔敏感，一食親，臉仔就會出粒粒……  和光堂既米餅都有比佢試，好快就可以食完！  但一樣有薯仔，食埋第2盒，就唔比佢食lu！  要茵茵豬靚靚嘛！！！ 

2)出牙﹕已經出左2隻！  第1隻出o黎既時候，睇見佢瞓唔到，好慘！  好在，只係維持左一個朝早及晏晝~  夜晚都瞓到既，但會喊醒幾次~  好似變返初初出世時咁~  希望佢既唔舒服，唔會維持好耐~  希望佢d牙仔快d出完！  希望豬豬唔好發燒……

3) 基本上已經學識坐同跪，爬都可以爬得好快架啦~  最鍾意o向婆婆張床到碌o黎碌去……  自己又會扶住d枕頭學企~  但好驚佢"瞌"親 (仆落d牆度)！

4) 勁痴身！！！  但唔係痴我囉~  係痴婆婆……  呢d我都預左，畢竟返工佔我好多時間！  BB由婆婆湊，我唔會呷呢D乾醋既~  11月中層樓裝修完，睇怕都帶唔到BB返去瞓架啦……  事關呢個月試過2、3次，BB醒左，發覺婆婆唔O向隔離，係大喊架~  喊得好可憐~  無論係我、阿姨同舅父都搞唔掂……

5) 勁貪玩、勁認人！！！  朝早瞓醒，心情好~  見人起身，實吚吚啞啞要人抱！！！  要人同佢玩~  不過呢D都係Easy Job，個個起身，臨返工前，一定會抱抱佢、錫錫佢架~  哈……

6) 太痴家！！！  茵茵豬唔似其他bb，鍾意去街；相反出親街就唔識笑！  高度戒備，唔知驚咩……  屋企出去愉城，3分鐘既車程，足夠佢咀扁扁！！！  試過一次，一落車就喊，我同老公唯有即刻搭車返屋企！！！  喊足20分鐘！  唔知係咪我地太遲先帶佢去街 (5個月之後)？？？  但落會所及supermarket無事！ 仲有，落樓下食tea都ok~