善良

Halloween 遇到咩最驚？

南瓜？Jack？污糟野？

今晚我搭地鐵返屋企，係行人扶手電梯，有個男子突然問我幾點，我答八點四。

一陣，男子又問：我可唔可以叫你做姐姐？我話：可以。

之後佢就捉住我只手，應該係拖住我只手。。。我好驚，攞左部電話出來打比小眼睛，剩係識得話比佢聽我宜家返屋企啦，拜拜。

上完電梯，佢仲拖住我只手，我就問佢你想去邊，佢話約左朋友。

我：（指住荃灣綫方向）我行個邊。男子：我都係

甘就繼續拖住行去上另一部電梯，我試圖叫佢雙手扶好電梯，仲將佢對手擺上扶手，點知佢用一只手扶，另一只手又立刻拖住我只手。

車到，上車，我又嘗試叫佢扶好，將佢雙手放在扶手上，跟住同電梯上的情況一樣。

之後有位坐，我叫佢坐，佢唔肯，甘我坐，諗住甘可以攞番只手，點知佢都拖得好實，仲係十指緊扣。

我一路驚，又再打比小眼睛，好鬼鼠甘同佢講我的情況，佢問我仲咩唔fing開只手，我話唔知。我話你一路同我講電話啦！

到站，上緊電梯時，我又再嘗試，點知今次捉住我只手之餘，另一只手仲放係我背脊，嚇到我拿拿淋將佢放係背脊只手拉番前面放係扶手上，如是者再來一次。

上到佢，我又再問佢你約你d朋友係邊，跟住佢就笑笑，拜拜。

甘我同小眼睛講佢走左啦！小眼睛叫我望清楚佢走去邊，會唔會靜靜甘跟住我。

所以我又擰返轉頭望，見到佢落返去搭地鐵。

我出閘后立刻跑去相熟間舖仔避避同定下驚，同佢地講番我剛剛的遭遇。

佢地問點解我會甘？仲可以拖住佢由荔景到荃灣，十指緊扣。。。。。。

唉~~~其實係因爲個男子應該係智商有少少問題個種。我諗緊佢係米一個人好驚，甘同埋佢地心靈係比較脆弱，如果我好絕甘fing同推開佢，或者好惡甘閙佢，驚hurt同嚇親佢。我諗住到荃灣，就喳喳淋叫佢join d 朋友，拜拜，快步出閘再去舖仔。我最驚唔米佢，係佢個d唔知咩朋友，利用佢來呃人。

舖仔個女仔仲問我係米好容易野呢d野？諗諗下我都唔米第一次遇到。。。。。。個次係東涌又係有個類似的人，走埋來同我講：姐姐，我同我d朋友導師走散左，身上無錢返屋企。我問：甘你住邊，有無導師個電話號碼？他說他住柴灣，仲比左佢導師個電話我。甘我就試打，打左幾次都無人接。

我諗返柴灣都係二十幾蚊，甘我就叫佢等等。走入7仔，買左支水同麵包比佢，再比三十蚊散銀佢，因爲佢話識返屋企，不過無錢。跟住就見佢去巴士站上車。

事後，我都問小眼睛我係米好傻？佢話你太善良。。。。。。下，唔米啊化，我連小朋友都唔中意，你仲成日話我惡，善良？？

不過傻有好，蠢又好啦！如果佢地真係有需要，我幫左佢，佢可以返到屋企就好啦！因爲佢個樣真係好似問左好多人都無人理佢；如果唔米，都係比人呃左幾十蚊，米當做善事囖~~