喜事重重

好耐無出blog, maMA又無事忙.

呢兩個星期四出行動.

分別有兩個BLOG友生BB.

一個係莎莎係10月底再添一個細佬比迪迪仔

maMA其實係上星期二已經去探佢, 不過, 而家先出BLOG.

maMA去度時, 啱啱細佬飲完奶奶,

所以又係覺覺既時候.

個瞓覺樣真係引C人. 好SWEET.

可能maMA講嘢太大聲, 嘈醒細佬添. 所以, 細佬唔多高輿, 縐晒眉.

不過, 細佬都好比面, 都開吓眼比姨姨見吓.

好抵打呀!

細佬同哥哥好似樣, 不過, 哥哥迪迪都係小休中, 無得影相比大家對比吓.

不過, 兩個都有雙大眼, 好靚仔.

maMA抱佢合照時都好合作, 睜大少少對眼比大家見吓佢個靚仔樣.

莎莎仲好好精神, 唔多似生完BB.

同莎莎傾咗成個鐘都唔夠喉,

不過, maMA要趕住走. 所以, 真係要約下次再去探佢.

仲可以帶埋Mr. Huey一齊去, 可以同迪迪玩.

maMA又可以同莎莎暢談一番.

------------------------------------------------

第二個, 唔單止係BLOG友, 仲有maMA既姨甥女, 即係Mr. Huey既摯愛汶汶姐.

佢係11月28日午夜, 誕下2.74kgs既細佬.

12月1日晚, maMA, paPA同Mr. Huey一齊去探吓細佬.

而家睇相, 同熹熹都有d似樣, 唔知點解真人就好似無咁像樣.

細佬今日無咩瞓晏覺, 所以, 去到又係想瞓.

但因為有人探佢, 有d聲嘈醒佢, 所以咪喊囉.

佢既喊聲好得意, 唔似一般蘇蝦仔. 唔會"唔啞, 唔啞"咁喊.

有d似動物叫, 好鬼得意.

比番個奶咀就止咳啦!

好快就瞓.

佢瞓覺時好得意, 會用雙手放係臉仔旁邊, 好似大人咁瞓. 哈哈!

呢個樣真係殺人於無形. 好冧呀!

paPA影好耐都影唔到, 搞到細佬唔好老皮.

影完呢張相, paPA竟然同maMA講 : maMA您好似係度發育緊咁樣.

佢真係想死, 今晚打完BLOG您就知錯.

好開心, 今年家族又多添一名成員.

而哥哥熹熹亦好鍚細佬. 一返屋企就話要抱細佬,

細佬喊又催媽咪開奶比細佬.

希望, 佢兩個大個時, 打架邋打架, 都會相親相愛, 互相幫助.