今日去了肖珍INTERVIEW，INTERVIEW 的時間快過打針呀！
今日好凍呀，11:30 我就起身了，但媽咪仍然在睡夢中。等到媽咪起身，刷牙洗面出去食飯都已經差不多一點了！食到一點半就起程搭輕鐵去肖珍。去到，原來1345 INTERVIEW 的都已經入得了，連俾我熱身的機會都沒有了。
一入到去，老師就講了很多的前言，想幫我WARM UP，然後就自我介紹話「我有個名架喎，我叫蔡老師，你呢？你有無名架？」我以為佢個名牌，我話我無架~然後要媽咪話：「WHAT'S YOUR NAME? 你叫咩名呀？」「許嘉倩」。
跟住又問我幾多歲。明明在屋企媽咪日問夜又問，但我都係無答，又要媽咪出手：「HOW OLD ARE YOU?」「I'M 2」「哦~你2 YEARS OLD 呀~」
然後老師拎左一張有唔同顏色的圓形圖案出黎，叫我指~我當然唔理佢啦，跟住仲話要媽咪一齊指我先肯一齊指呀。老師問我鍾意咩顏色，我指住綠色話「綠色」。跟住又問我除左綠色仲有鍾意咩色，我又指著黃色話「黃色」。
講完顏色，老師就拎四樣物件出黎，一個杯，一條毛巾，一個蘋果同橙。老師叫我拎條毛巾俾佢抹面，但我又唔理佢，因為隔離考試的考生同個老師同家長好興奮，好大聲，引起我注意。結果媽咪都忍唔住同MISS 講話隔離好嘈~最後要媽咪同個老師REPEAT N 次我先肯拎條毛巾俾佢。
好喇，拎左毛巾，老師又話肚餓，要食野，要食蘋果，我指俾佢睇「APPLE」，老師叫我拎俾佢，我唔肯，要媽咪叫我肯拎，又叫我拎個橙俾佢，今次我有拎呀。
咁樣個INTERVIEW 就完左喇，老師送左盒動物餅俾我，我要望下媽咪先拎呀。跟住又要媽咪問：「你要講D 咩呀！」「THANK YOU！」跟住我就走左喇，頭都唔回。
