不同的星座, 佈置家居時的不同要求

這星期受到 A 先生每日一篇星座趣談的刺激, 我也來寫一篇高興下先

題目：不同的星座, 佈置家居時的不同要求

白羊

傢俬？見到鐘意就買囉！　(結果咪一大堆九唔搭八的傢俬，似雜貨鋪囉)

金牛

(Blue-Blooded版)： 整番間Party 房招呼d friends

(中產版)：買定多d 杯和用品, 預d friends黎玩時用吧

(大眾版)：是但啦, 反正我成日都唔係屋企

巨蟹

最緊要一家人住得開開心心，舒舒服服......呀！記得將舊屋的東西都搬過來，ｄ野好有記念價值嘛......

獅子

使幾多錢都唔緊要，最緊要豪華夠氣派，才襯得起我，記住！我唔用次貨！

處女

(Blue-Blooded版)：整間資料室，會客室和辦公室，記得，每日叫人打掃兩次

(中產版)：d野唔准亂放呀，記得，同我打掃得乾乾淨淨！（對佣人說）

(大眾版)：d野唔准亂放呀，記得，同我打掃得乾乾淨淨！（對仔女／老公／老婆說）

天秤

另一半搶答：交俾我諗掂佢吧，等佢決定買咩......下年都唔使入伙......

天蠍

呢d 咁私人的地方，我係唔會公開的！想睇？我只會邀請我的密友來參觀......  (實係收埋ｄ咩古卷呀，神神秘秘的東西吧......)

人馬

家只不過係我的中途站   (呢個中途站放左唔少世界各地的雜貨)

山羊 

(Blue-Blooded版)：實木傢俬吖，耐用！

(中產版)：實木傢俬吖，耐用！

(大眾版)：實木傢俬吖，耐用！

水瓶

(Blue-Blooded版)：我要間最高科技，最先進的屋！

(中產版)：要未來ｄ，科幻ｄ的傢俱！

(大眾版)：買些有趣古怪的小擺設來滿足下先！

雙魚

要有細緻的點綴，嗯......燈光很重要，要有牆燈，有掛畫啦，還有射燈照住的水晶飾物櫃，餐桌一定要有檯布，最好有個靚花樽插住支花，咁食野都會食得開心ｄ啦，一定要有窗簾布......最好要羅馬式的窗簾布，遮唔遮到太陽無所謂，最緊要靚......千祈唔好用掛牆扇，無晒美感......有一些係屋企必要的，例如地毯，有品味的企燈......

(特別嗚謝雙魚細妹的白日夢......基本上，她的所謂必要，都係......無乜必要）