莫名其妙~

話說本人於4~5年前因老闆E發神經的關係炒粉了~
事源佢睇得起我比機會我編寫劇本,
但後來因我懶打字,比左個新來的女秘書中文輸入,
而老闆既新寵又正正係這女秘書,
個o靚妹唔知天真定無邪夠膽死邊輸入邊"修改"我d內容,
佢知前知後而改都唔理佢,佢見一句改一句就認真抵打~!
老闆仲要貪得意咁話佢o岩,當幫我手,我心都淡埋~
跟住老闆發火,拍枱說:"阿望~!一係你就寫埋落去~!一係你就番去做後期啦~!"
那時年少氣盛,當然睬佢都傻啦~ 咪回去做後期囉~
可惜我當時唔爭氣,在後期的位置上,未如上司期盼~
所以廢事大家無癮~ 我就辭去了~

那時是我人生的谷底~由夢想界最高點一下飛彈落谷底~
直到這兩年,我見多左唔同既社會職位,信心先慢慢回來~

好啦~ 話說我上月頭去台灣~ 回來時開手提電話,
見到一個sms,問我是否我,他自稱自己是老闆E~
我莫名其妙~諗佢係咪執電話號碼所以問清楚~
我就回覆順便問候一下~ 講完一輪~
原來佢話睇左本書~係講編劇既~覺得會對我有極大幫助~
所以介紹給我看~ 我覺得好好笑~
心諗,現在仲要靠理論書籍增值?不如實戰啦~
但我當然好有禮咁回左佢"好呀,我會睇下..."
事就當然無左件事啦~

最驚既係~ 萬聖節那晚~ 佢失驚無神打比我~
問我睇睇本書未???? 嘩~!!! 大佬~! 乜你以為真架??
我當然無興趣得罪佢啦~ 我解釋近日忙於製作朋友的結婚片,
這個月跟本連街都無出過~所以未能買.... (信唔信就由佢囉~這可是事實~)
跟住佢話因為佢現在在商務,現在就站在書的面前啊~
有85折呢~ 折了好平呀~一百幾咋~ (咩話~!!!折左都仲過百?????)
我廢事同佢有任何關聯~ 我話遲d會買架啦~

好... 就係因為咁...我18號之後突然就要"溫書",
以防"突擊測驗"啦....

-_- .... 其實....我都唔係你既員工啦~ 我做咩仲要睬你呢? ..... 唉.....