剛剛過了的一星期, 心情起起起落落的, 在煩在想我既未來發展同去向! 因為公司restructure, 不要誤會, 公司不是裁員(事實反而仲會再請多一team人) 我也不知道我是否自尋煩惱? 同事們知道新安排後, 大多覺得我抽到好籤, 一來不用再跟Erica, 二來我將來的team 是最強的一team, 賺錢最多的一team! 不過在我的立場來看, 真係好壞參半, 想了很久, 轉了很多牛角尖, 跟很多同事朋友, 甚至Erica 分析過, 決定還是give it a go, 其實都啱既 nothing to lose, 最多第時發覺唔對路, 唔鐘意咪quit lor~
講左咁耐, 其實係公司決定過左農曆新年後restructure, 我地以前係分Tops 同bottoms 咁做, 即Tops 既要做晒men 同women 既tops,而依家就分gender, Men's 既要做 men 既tops 同bottoms。
我被分了去做男裝Tops, 亦唔使再跟Erica, 轉左跟一向做開bottoms 既Jenny。雖然係做men, 但唔使再對住個攞婆, 係一大好處(而一向跟開Jenny 既Pinky, 一聽到要跟Erica, 第一個反應係大叫同喊架!) 聽Erica 講, 原本係Helen 跟Jenny, 我繼續跟她的, 不過Jenny 話Helen 幫唔到佢, 唔要佢。所以係臨公佈前一日, 作左依個決定。 至於我既concern 其實係我由唔使開辦單, 唔使對廠同做d 濕碎野等, 變成一腳踢。同事們就個個都覺得對好多於壞, 仲衰到話一個唔使跟Erica 既好處, 絕對可以抵十個壞處, 況且Jenny 唔熟Tops 亦唔鐘意做tops, 所以佢應該會俾好大既自由度我wor! 仲有仲有, 唔使再對住嘔血既Helen 姐(雖然我知佢都將命不久而...), 又多十個好處, 所以我亦唸通了, 決定留低try try!
返多一個星期我就放兩星期大假啦!! 雖然唔會去旅行, 不過hea 吓, 抖吓都幾好吖!
烏雲 2008-12-16 22:00
嘩, 用晒人名你唔怕人睇到呀
ar-rol2008-12-16 22:19