網誌分類：忽然有感 |
今天的工作很少，上午完成手上的工作後就無所事事，為了打發時間，於是重溫了自己的網上日誌。
其中一篇我提到自己很少為一件很想得到的事情努力過，很多時有很多東西想試想做，但還未試已給自己套上太多藉口和理由，又或是太多顧慮，因而錯過了不少機會。文章末是我的立志，我立下宏願要決心改變，而第一件要做的事是學打網球。但．．．不出所料，這份熱情又在三分鐘之後冷卻了，現在那塊網球拍又被我閒置在一旁啦！
真的很惱自己，從小已常被媽媽責備做事三分鐘熱度，由初中學結他，到現在學網球，也是半途而廢。老闆曾問我有沒有曾經努力實踐一些自己想做的東西，我想是有的，但多半沒有好結局。
好像我一直想到醫院做義工，但深知很難找到伴兒，於是不知那來的決心，在大學時獨個兒報了聯合醫院的義工訓練課程，在完成了幾堂的訓練後，正式投入服務，而我的職責是和住院的病人談天（義工有個很好聽的名字，叫綠衣天使），因為院方深感病人是很需要別人的關心，尤其是一些沒有人探望而又長期住院的病人。可惜在熱情退卻後，加上缺乏推動力之下，我到醫院的次數越來越少，後來更停止了。
另外一次是在我出來工作之後。由於我很喜歡狗，但家裡又不可以飼養，我希望有途徑可以接觸到牠們，而且我深感被遺棄的動物很可憐，於是在網上報名到愛護動物協會做義工。但在上完一個簡介課程和參與了幾次狗房清潔後我的決心已經開始動搖，而結果都不用多說了。你可以說是藉口，但在難得放假的星期六還要七時多起床到銅鑼灣做勞力服務（清洗牠們的食物盆、抹狗房的玻璃、洗地等），真的很難堅持呀！
似乎我的問題除了是只想不做外，似乎做了也不持久，一開始時是雄心壯志，但當那一點熱情的火花燃燒過後，一切又會返回原點。到底．．．我要怎樣才能擺脫這種性格缺陷呢？
michaellam 2007-07-21 15:15
don't force yourself to have some interest....
indeed , i agree that you have to think twice before you wanna get some habit...
anyway, i support you always...
p.s so busy today....just have time to have lunch...still got three patient waiting for me in the ward....i wanna go to YOYO wedding so much....ai.........
卡路 2007-07-20 10:06
Re: Katherine
你話下星期四,五,六係咪即係26-28號? 咁不如就星期五(27/7) 號啦!
卡路 2007-07-19 23:28
re: kammy
你yoga一次都冇做過又過份左少少,我之前報左做gym起碼叫做做左2個月o既! 大家都有呢個問題,希望可以互相提點啦!
re: alvin
可能你講得o岩,有個清晰o既方向,可能可以帶比我動力,但我個人做事就係最缺乏方向目標架o勒~ 如何為自己定立目標又係另一個問題~
re: jovi & katherine
我當然知道有個伴係好重要o既動力啦,但有時唔係樣樣野都可以搵倒伴咁好彩.而且如果因為搵唔倒伴就放棄,你就可能會錯過好多機會同自己喜歡o既野啦! 好似我咁,其實我讀中學時一直好想入drama club架,但因為冇人肯陪我,於是我唔敢自己參加,結果到而家我都好後悔呀!
Privateunit 2007-07-18 23:25
會係好大的推動力
試下報名之前問下身邊的人有無興趣一齊去做
有的話一齊去
做都做得開心d
好似我地四月一次的約會
我相信都係因為有你我先唔會唔記得
亦無藉口推呢
我下星期四五六都得
就你啦 ^__^
Jovi 2007-07-18 16:54
若果係冇人互相鼓勵支持下, 係好難可以堅持到尾架, 所以有個伴兒都好緊要.
不過, 若真係冇伴, 你set 個目標比自己啦, 例如學咩都要去到某個程度, 好似我學琴, 都冇伴架, 我都驚會半途而廢, 不過至少 set 定個目標就會有動力啦~~~
Alvin 2007-07-18 14:17
以自己的經驗看，「三分鐘熱度」的背後可能是「缺乏動力和方向」。我作為基督徒，雖然心知上帝是我的目標，但很多時候卻「行出來由不得我」；反觀一些人以錢為他們的人生目標，他們很多時候十分積極，而且很少會「三分鐘熱度」。
kamkam 2007-07-18 12:02
其實我做事都係三分鐘熱度, 從未試過有野可以keep住做好耐既.
好似整輕黏土咁, 我覺得好得意好有興趣, 於是買了幾合材料又買了書,
最終玩得兩次便無左回事, 而家d材料無用放o係屋企, 又阻地方又洗多左d無謂錢.
做yoga都係咁, 買晒用品買晒書, 但一次都無做過...........
如果你有辦法可以改到呢個醜習, 也請救救我吧.
卡路 2007-07-18 10:28
Re: 皇后
係呀! 我真係想balance d, 不過呢種得閒日子都好少有,係過渡性o既o者~
Re: Wanson
我都唔知呀...不過女仔好多時做咩都要有人陪,好似我咁,冇人互相支持下就好容易堅持唔住喇~
WANSON 2007-07-18 09:59
皇后 2007-07-17 23:54
你0既workload 真奇怪
一時多到要ot,一時又無0野做~~~~~~~~~~~