網誌分類：朋友 |
昨天偶然拿出中五時的紀念冊來懷緬一番，看到同學們的真情剖白和深情對話，令我勾起了不少已模糊的記憶。對我這個善忘的人來說，紀念冊於我尤其意義重大 － 它真實地記錄了我中學生涯的點滴，反映了當年朋友對我的觀感，還有在別人眼中的我是怎樣的一個人。雖然在小六畢業前也有填寫紀念冊，但那是獨立紙張形式的，主要目的只是交換一些個人聯絡資料和相贈一兩句的「離別金句」。
到了中五和中七的時候，學年一開始，大家便開始交換本子形式的紀念冊。能從別人手上接到本子紀念冊，證明了你們有一定的交情，而且在對方心目中佔了一定的位置，所以我們都會很落力的去寫接過的每一本紀念冊。由於透過文字表達少了一份面對面的尷尬感，而且知道紀念冊內容會在畢業後才被對方揭開，所以大家都會暢所欲言。還有一個令大家毫不隱瞞的去敞開內心的原因，是大家都怕這次會是最後一次真情剖白的機會，即使有機會一同升讀原校，也不會好端端的說起那麼凝重和深入的話題。對於那些平時說不出口的不滿或內心話，正好趁此機會一吐為快。紀念冊如此珍貴，因為它盛載著的，是真誠的話語和百份百的真心。
朋友在紀念冊中可謂無所不談的，有的會分享自己將來的志願、擇偶條件、戀愛故事；更多的是憶述她和我的相識和相知過程，回想當中發生過的難忘事件和愉快時光；其中每個人都會應我的要求，對我的為人作出評價，好的要說，不好的更加要告訴我，讓我可以有改善的空間。我很感激每一位在我紀念冊中點出我不足之處的朋友，因為她們沒有因怕我生氣，怕我翻舊賬而只跟我說一些不痛不癢或奉承的說話，她們的敢言令我能進深的了解在別人眼裡的自己是怎樣的一個人。說真的，這些毫無保留又不帶惡意的忠言或批判，恐怕只有在純真的青蔥歲月才能找到。
每次再翻閱紀念冊，都會有無限感慨。年少輕狂時的理想，有多少人最終能達到呢？當年的價值觀，又有多少人到今天仍能堅持呢？最令我心痛的是，這些曾許下願望希望大家能友誼永固的朋友，竟然大部份都音訊杳然了，而還有聯絡的，亦因著各種原因，比從前疏遠了許多。一位朋友在紀念冊中寫道：「要維繫一段友誼真的很難，要雙方面都去付出，大家要用最真的一面去交往，要坦誠相對，互相信任，志趣相投，互相關懷和支持，真的有太多條件，比做情侶更麻煩。」可能就是大家都沒有努力的去付出，結果導致這段段的友情夭折了吧．．．
曾經聽說：「中學時期認識的朋友最真，是最值得珍惜的友誼。」很對呢！大家「識於微時」，沒有利害關係，沒有爾虞我詐，只有志趣相投和默契才能令大家自然的走在一起；大家在對方面前都能表達最真最率性的一面，不用掩飾什麼。很多時我都覺得，跟中學的好朋友在一起，我能盡情的表達真我，因為她們了解我，明白我，同時亦接納我是我。
忽然有衝動想和這些久違了的朋友恢復聯繫，但應該如何入手呢？
卡路 2007-02-26 09:56
Re: Brenda
係呀! 我都有閃過一絲參加alumni dinner o既念頭呀! 不過o係科大實在識人唔多,如果去到真係會悶成晚~
冇錯,所以我而家會積極搵下d朋友啦. 今個星期六我約左katherine 一齊損血,你有冇興趣一齊呀?
Brenda 2007-02-24 17:20
講起alumni活動, 我同你都係咁諗, 就係應該我地識o既人唔會多. 之前有個UST o既朋友仔叫我去2月尾個alumni dinner, 我都係覺得出席o既人多數都唔識所以無陪佢去.
所以都係自己約返d想見返又想keep返聯絡o既人好d.
卡路 2007-02-24 00:55
Re: Brenda
嘩~ 連小學同學都比你約倒半班,的確利害! 其實o係我仲讀緊u o既時候,有一排都有不定期的小學同學聚會,多年不見再聚首一堂o既感覺真係好開心,成日會諗:唔知大家變成點呢? 見倒面會唔會唔認得? 結果發現友誼真係一樣好特別o既東西,即使分開多年之後再一齊,大家竟然冇陌生o既感覺,反而好似好多年o既老朋友咁,大家侃侃而談.
我都好想約番中學同學出黎呀! 有時想參加st. paul 的alumi 活動見下d 舊同學,但又知我地form 唔會有好多人參加,到時可能只會變左傻仔自己一個人~
Re: Katherine
係呀! 要開左blog 先可以留言,多謝你為左我而開,以後你可以o係度暢所欲言啦! ^^
係呀! 我睇番紀念冊時都係好感慨,日換星移,大家真係變左唔少. 我同你算係有contact 但感情淡左o個隻呀! 所以要急起直追番先得!^^
p.s. 仲記得當年我地成日傳紙仔,寫詩嘛? 哈哈~
Privateunit 2007-02-23 21:29
為左你
無計啦
見到你呢篇文,都有d感觸
唔知我地算係keep得好唔好呢
Brenda 2007-02-23 13:51
講講我個人親身經歷:
兩年前, 有一個小學同學突然打比我話想約番d小學同學出o黎. 其實全班40個人, 大部分人自小學畢業之後都無聯絡. 但係我地都用唯一方法 -- 拎住當年紀念冊上大家留低o既屋企電話號碼逐個打. 當中當然遇過電話已經改o左o既情況, 或者個電話號碼已經比另一家人用o左. 不過我地最後都有打晒比全班. 加上某d同學讀同一間中學, 可能會有其他人o既手提號碼or icq no. 就係咁, 我地最後成功搵到差不多半班人o既update聯絡方法. 到依家都仲keep住幾個月約出o黎gathering.
所以, 我覺得只要大家係有心o既, 就算係唐突d打電話都ok架. 其實好多時都係差在無人去踏出第一步.
卡路 2007-02-21 16:08
re: irene
真係好熟o既固然有contact,不過有d覺得大家好o岩傾好夾,但又唔係最fd o既,覺得咁就冇聯絡都好可惜呀!
卡路 2007-02-21 16:06
Re: Jovi
係呀,我都覺得可能大家都有心想維繫,只係冇人行出第一步,時間越耐就越難衝破呢個局面啦!
所以我都想搵番d舊朋友~
皇后 2007-02-21 12:21
如果當年真係好熟0既,我都有keep 住contact~~
無0個0的就唔係太熟~~~~
Jovi 2007-02-21 10:07
咁耐冇職絡, 實在好難開口相約, 除非係當時好frd 好frd 啦.
我上年都搵左2位中學時期的好朋友出來, 自畢業後都冇聯絡咯, 好彩佢地都有心想維繫友情, 我地定左每次生日都要出來慶祝呢, 真係要搵得一個得一個呀~~~
卡路 2007-02-20 00:09
Re: Wanson
可惜當年email 仲未流行,大家都冇留低email地址,就算有,可能都改左十幾廿次喇~
WANSON 2007-02-19 21:19
WANSON 2007-02-19 21:07
你可以由send一張e-card比佢地開始~
喂~oracle請緊quali reseracher呀~你條team定係elsie team呀??