今次真係啦~

11月9日係預產期既來臨, 但係之前一晚一D動靜都冇, 我諗.....唉......仔仔會時出世呢???因為我真係好心急, 又怕自己真係唔真動作動來啦呢D情況......

當日我好似平時咁10點起身食早餐, 一起身之濟.....有D穿左水既感覺, 所以有D驚驚地咁去睇一睇, 睇睇下連紅都見埋, 心諗, 仔仔原來想準時出來見我地喎,所以都有DD開心.

話左比媽咪知之後就去左沖涼洗頭食早餐再入院, 因為知道之後一定有好幾日冇得沖涼, 哈哈!! 通知左老公話可能仔仔要出世, 但係因為佢番緊工既關係我叫佢放工先來搵我都未遲, 因為都要痛一段時間仔仔先會出世, 唔係用左日假來等我!!!

去到醫院, 檢查完之後醫生CONFIRM左真係穿左水同見紅, 咁我就只好叫媽咪佢地走同埋通知老公如果佢地叫我去產房既時候我再通知佢來都未遲.等下一個鐘, 等下又一個鐘, 但係一D陣痛既感情都冇, 心諗點算呀, 連探病既時間都到左都唔痛, 因為攪到我又心急, 又緊張, 屋企人, 奶奶, 老公佢地個個都來探來, 個個都話以為我穿左水好快就生得, 但係.......世事難料呀!!!! 佢地走左之後我叫老公好好咁番去訓下, 我話唔知會唔會半夜就生得, 叫佢抖下, 如果唔係一陣佢可能會好累架.......

等下等下時間過得好快, 我半夜開始真係開始痛起來, 但係都係好初步既既痛, 有排呀都唔未得呀, 痛下痛下到左四點鐘, 因為穿左水成18個鐘我都未生得, 所以醫生話我要開始打抗生素, 打到生為止, 到左朝早, 醫生話我就快穿左水24個鐘, 所以一定要上產房準備催生, 咁我咪通知屋企人同老公啦,

上到產房見到佢地比我訓響間雙人房度有D唔開心, 護士話今日好多太太上左去等生, 未有單人房, 但係如果老公來到仲未有人入住我間房佢就可以陪到我生為止架啦~~等下等下, 因為D催生藥既關係我開始痛密左, 7分鐘到就痛一次, 但係痛痛下見到有個太太入左來訓響我對面床, 心情即刻好唔開心同覺得仲痛過之前, 真係好想大哭出來, 一心諗可以等老公陪我我冇咁驚, 二來我冇聞笑氣, 已經覺得自己好似有D頂唔順既感覺, 眼淚真係不知不覺流左出來, 護士見我咁痛, 佢逼我一定要聞笑氣來止痛, 因為佢怕我痛得濟頂唔住, 到左四點, , 又知佢唔入得來, 我真係好唔開心, 加上太痛既關係, 同埋老公到左三個鐘都唔可以安排到佢入來見下我同陪我, 仲叫我打電話同老公傾下計, 咁我咪試下囉, 同左老公傾左幾句, 聽到佢把聲我已經忍唔到哭左出來, 佢叫我加油, 好快就得架啦, 同埋佢話會響出面等我出來, 呢D安慰說話真係可以止到我幾次既痛, 但係我已經去到3-4分鐘痛一次既情況, 諼士同我講我都係仲係開到兩度到, 根本就唔生得住, 叫我忍同放鬆D, 大佬, 咁痛點放鬆呀, 護士見我痛得咁密同咁辛苦, 佢怕我整親自己, (因為我既情況, 隻手吊左鹽水同催生藥) 建議我打止痛針, 佢話遲D開大D度數就唔打得架啦, 因為我真係太痛既關係我就同意打, 但係打左我覺得一D都冇用, 到左5點幾, 我真係覺得好似有舊野響下面頂住想出來, 護士見到話我開左六度, 但係叫我試下PUSH兩次睇下點, 點知佢話未得住呀, 再要等下, 但係果時我已經痛左15個鐘啦, 真係好辛苦呀, 再過左一陣我真係忍唔到啦, 我就想推仔仔來既感覺好大呀!! 護士見到咁叫我試下, 試左兩下佢話見到仔仔個頭仔啦, 佢話叫我下次再痛就可以來真架啦, 試左幾次, 用左20分到就生左仔仔出來啦, 原來生既過程唔痛, 但係忍既過程係最痛呀, 個諼士仲話我好叻, 可以咁快生到又唔叫, 仲話我生完點解仲可以精神過生之前喎, 我咪同佢講因為依家唔痛啦嘛

佢地比仔仔我見同對資料既時候我仲同個護士講笑話叫佢可唔可以比番個眼鏡同幫我抺下汗先呀, 佢地都笑住咁話係話, 你入來既時候係四眼架BOR,對左野護士就叫我通知老公, 我反問佢地話你地冇人通知佢我生得OR生左既咩???咁我咪即刻打比老公, 話生左啦, 佢都驚訝話 "下 !!! 生左 !! " 我話係呀, 生左啦, 一陣有人推BB出去叫佢地把握時間去睇一睇呀!!!

等左一陣攪完所有野之後佢地都推埋我出去, 見到老公真係成個人開心晒,醒晒呀!!!

咁樣就過左十個月, 我同老公既二人世界會去另一個新階段, 真係好想知道未來既會係點發展呀!!!