易發B聚@栢賢HOME

7月19日 (星期六)

今日好開心, Aunt Irene邀請天朗一家到佢地屋企玩. 由於另外兩位易發BB (Skyla & 小米)要上游水堂未來, Arcus同埋Isaac就落去平台公園玩住先.

平時天朗媽咪成日約栢賢媽一齊食Lunch, 今日終於輪到兩個BB聚首一堂嘞.

呢個草地係栢賢最鍾意來既地方, 睇下Isaac仲開心到教Arcus跳舞添.

Arcus快D學下Isaac既舞姿啦, 可以參加舞動奇跡呀.

睇下Isaac同埋Arcus玩得幾開心, 呢度有幾個室外遊樂場, BB去戶外活動最好.

兩個易發媽咪 + 天朗, 柏賢, 玩到又攰又熱, 入去冷氣Playroom"練車".

天朗:   柏賢, 你肚唔肚餓呀? 我煮幾味拿手小食比你試下.

柏賢:   天朗, 唔該一客腿蛋三文治.

AIYA, 我搞唔掂呀, 都係搵埋Skyla幫手先得.

終於等到Skyla & 小米來一齊玩嘞, 不過Arcus開始有少少扭眼瞓, 天朗媽咪諗住天朗同小米媽一齊影相, 但係好驚天朗踢到未出世既"小小米", 所以即刻抱開Arcus.

小米媽, Sorry呀, 好彩冇整襯你咋.

來到Isaac屋企, 除左有個BB廚房之外, 天朗最鍾意推呢個BB TROLLEY, 扮去SUPERMARKET買野, 睇來小米同埋Skyla都好有興趣喎, 嘻.....

Skyla, 呢架係BB Trolley, 唔係supermarket個部咁大, 坐唔到入去架.

栢賢工人姐姐煮緊Dinner, 4位易發BB都好忙咁預備緊佢地自己既Dinner.

Arcus真係好鍾意呢個廚房, 成日係度搞搞震.

天朗:   小米, 你負責用焗爐, 我就用上面既煮食爐啦.

小米:   天朗, 等我睇下baby food有冇焗到燶左先.

又到左大合照時間嘞, 今次只有4個易發BB, 應該容易handle少少既, 多謝Aunt Irene派芝士糖比各位BB.

左起: 天朗, 栢賢, Skyla, 小米

雖然天朗媽咪唔係太過相信星座運情, 不過原來同一日出世既BB, 性格都係差唔多.

2007年既易發BB

1. 超級活躍

2. 唔怕醜

3. 大情大性, 喜怒形於色

4. 硬頸 (聽講水瓶座既人係好鬼硬頸架 )

唔知各位易發BB媽咪同唔同意呢? 天朗就有齊晒以上特徵, 當然仲有個D發脾氣, 大叫, 掉玩具.....呢個係天朗既個別情況, 依家正在有待改善

其實每個易發BB都有唔同既個性, 各有特別, 各有長處.

大家可以同年同月同日生, 又可以相識添, 真係SUPER有緣份, 無論係易發BB定係各位易發媽咪, 天朗媽咪都希望呢份友誼可以一直維持落去.