網誌分類：飲飲食食玩玩樂樂在H.K. |
哩晚出咗觀塘apm嘅"牛陣"同幾個friends食飯， 哩度係食牛肉為主題嘅shabu shabu,除此之外，只有有限嘅配料,如冬菇,豆腐,菜,蘿蔔......等等以自助形式供選擇，絕無任何丸類供應.........雖然我鍾意食牛，但係獨孤一味，感覺好寡~
哩度限時任食90分鐘，入座即計時，價錢主要分別在於湯底同食咩牛，由最平澳洲牛肉至最貴A5級和牛，百零元至數百元不等~
我哋只係叫咗個最普通嘅鍋同湯底，湯底略為太甜，牛肉同豬肉算是新鮮，不過稱不上有咩與別不同~
簡單講句，去其他地方打邊爐好過，起碼多d選擇，個心都會滿足d~
食飽之後就去咗朋友屋企hea吓、玩吓，然後歸家......咁又一day嘞.....!
