11月2日(星期一) ~ 慈母??

今日收到個舊同學既 EMAIL.. 佢話睇完我同 NANA 影D相, 相信我可以做一個好媽媽
其實有 D "R" 頭... 點睇到出黎呢, 可能就係男人同女人睇既野唔同啦

佢 EMAIL 話睇我個樣, 加上會出去玩, 之前一路唔覺得我係一個會有呢一面既人...
可能真係樣衰既關係啦... 其實我思想係好老土, 我係會諗結婚既人, 而且結婚既話, 生得出健康 BB 我一定會生, 我覺得有小朋友既屋企先為止一個家

當然, 唔會為結婚而結婚, 如果同一個只會令自己唔開心同退步既人一齊, 我會繼續選擇單身

冇錯, 我係會去玩, 因為我覺得要係呢後時間去做想做既野, 到有家庭時, 係需要將時間精神放係家庭上... 所以我依家係會去享受呢段日子

可能由細到大都有接觸小朋友, 會幫手湊 BB (因為媽咪以前係幫人湊仔), 所以知道湊大一個小朋友真係需要好多心機時間精神仲有愛

依家既小朋友已經唔同我地舊時既年代, 同小朋友溝通, 做得好係要讚, 做得唔好唔係鬧就得, 係要同佢地分析番問題所在, 同埋要佢識得係跌低後要企番起身, 培養佢地既責任心
有好多父母都得一個小朋友, 好容易造成個小朋友 "唔衰得", 唔識分享同埋唔尊重別人

天氣開始轉涼, 皮膚開始乾啦... 有咩沐浴露真係潤膚架????

公司個 OA 係上海人, 佢整左D 烤夫比我拎返屋企食

但係我比較鍾意佢整既牛展多D