檸檬茶 vs 凍檸茶

對於會考中文作文科：

俾著以前，我一定會寫議論文，因為可以寫大道理，搏高分。

如果諗唔到寫咩好points，我會選可以寫「友情」o既故事。

檸檬茶：

今次o既題目都幾新穎。

如果係當年，我估我個大綱會係：

初初升上中學，正值夏秋之間，發現小賣部有部「紙包飲品機」，如同發現寶物一樣。幾多熱到飛起o既日子，都係靠一盒「凍檸茶」解渴。

後來入冬了，小賣部賣一樽樽o既「熱維他奶」，真係暖到入心...

高中之後，我當「紙包飲品機」唔再存在，因為小賣部開始賣「維他汽水」，忌廉真係好好飲啊~~

點知有一日，一朝返學，有警察來到學校，原來小賣部晚上被爆格...

一個月後，小賣部結束營業，得返一部空空的紙包飲品機，同埋一個空空的心...

有o既時候唔識珍惜，冇o既時候後悔莫及。

結論：咁無聊，故事平平無奇，唔慌高分...

凍檸茶：

如果係當年，我估我個大綱會係：

香港真係美食天堂，中西文化匯聚，各國美食，乜都有得食。

但係，「茶餐廳文化」係香港獨有o既，簡單o既粥粉麵飯，加一杯凍檸茶，點樣可以令我好滿足，過開心o既一天...

最後加返句「做香港人其實好幸福，我愛香港！」

結論：雖然實在太老土喇！但係易攞高分嘛！哈哈~~