樓上法國餐 - French Table

完成兩星期FP Training那一晚，為了獎勵自己，同多謝一直支持我的人，雖然身體已經好疲倦，最想就係好好瞓返覺，但都決定出街食餐好既！

朋友早前帶我去過一間樓上法國餐廳，地方不大，沒有華麗裝修，只有一個比例上很大的開放式廚房！能夠吸引係如此重要的日子再次到訪，當然係因為她有不能忘記的美食！

餐牌只有一張紙，有Ａ前菜，Ｂ湯，Ｃ主菜，Ｄ甜品，E咖啡茶，可以自己選擇食晒全部，定要湯唔要前菜，怎至食兩個前菜！

由前菜到甜品，都係店主自己一個人一手一腳做的！這一點已經夠感動，最感動係由前菜到甜品都整得咁好味！

店主真是一個對煮食很有天份與熱誠的人，上去食飯的人客，只要你願意講，佢都願意聽你意見，怎至為我地做出我們喜歡的甜品！你話係咪感動到有點淚光？

我個人最欣賞佢個洋蔥湯，雖然湯面片麵包細咗ｄ，但湯底絶對係一流，咁正式的洋蔥湯，係香港一ｄ都唔多！

餐牌內容唔多講，大家可以係佢個網站睇到！價錢大約四佰至五佰一位！

也許除了食物的味道，我也食出了廚師的心，才令我如此喜愛這個地方！

溫暖的麵包

前菜：香煎田螺配磨菇汁

主菜：香燒美國Kurobuta豬架配黑松露菌汁

甜品：法式糖霜配鮮果

網址：www.thefrenchtable.com.hk